بعد "أنا لسة بحبك".. بوسي عن طليقها: ندمانة إني قولت كدة وهو عايز يتشهر على قفايا

خرجت المطربة بوسي لترد على تصريحات طليقها رجل الأعمال الشهير هشام ربيع، وذلك بعدما خاض في عرضها وشرفها بعد تصريحاتها أنها لازالت تحبه خلال حلولها ضيفة على برنامج العرافة والتي تقدمه الإعلامية بسمة وهبة على شاشة قناة المحور.

بوسي عن تصريح انا لسة بحب هشام ربيع: ندمانة عليه 

وقالت بوسي خلال تسجيل صوتي نشرته الإعلامية بسمة وهبة على صفحتها الرسمية بموقع تبادل الصور والفيديوهات انستجرام، ورصده موقع تحيا مصر منذ قليل: شوفتي يا بسمة ده اللي خلتيني أقوله بحبك، شوفتي طالع يقول عليا اي أنا  ندمانة اني قولت الكلمة دي ده طالع يتكلم في عرض وشرف اللي كانت مراته وبتنام جنبه على سرير واحد، أنا عمري ما اتكلمت في عرضه عشان دي تربيتي وأخلاقي.. وده الفرق بين تربية شارع الهرم والكابريهات.. وتربية ابن الاصول الفلاح اللي عنده شرف واللي عنده بنات، طالع يتكلم على اللي كانت في يوم من الايام مراته بينام جنبها وياكلوا ويشربوا مع بعض.

بوسي عن طليقها: بيستغل الشهرة على قفايا 

وتابعت بوسي حديثها عن طليقها، قائلة: ده طالع بيستغل الشهرة على قفايا.. أنا مصدومة من تصريحاته ده بعد حلقتي مع بسمة وهبة جالي واتعشى معايا وعلاقتنا كانت كويسة جدا، ده مش عامل حساب للشهر الكريم وأنه كان بيعمل عمرة وقدام الكعبة وبيتكلم عن اللي كانت في يوم من الايام مراته، وانا اللي مش بعمل عمرة مع أن ربنا في كل مكان مش بقول كدة عليه ولا عمري جبت سيرته بطريقة وحشة.

واختتمت حديثها، قائلة: الراجل ده ملهوش علاقة بالرجولة ولا الاخلاق وحسبي الله ونعم الوكيل فيه.

بوسي: سعد الصغير أخد شقي ودهب مراته واداه لواحدة تانية.. وكان عاوز يركب التريند على قفايا

أسرار بوسي في العرافة.. زيجة ثالثة تكشف عنها المطربة الشعبية لأول مرة

طليق بوسي يهاجمها بعد كلمة بحبك 

وكان قد خرج طليق بوسي وهاجمها، قائلا: بوسي طالعة بتقول أنها لسه بتحبني طب متعرفش إن إحنا كعادات وتقاليد ومبادئ، إحنا انفصلنا وأطلقنا وكل واحد راح لحاله، طيب متعرفش أن بحبك دي تخرب بيت وده اللى حصل عندي فعلا حصل مشاكل عندي في بيتي، هل هي عايزة تخربي بيتي؟، ليه تدمريلي حياتي أنا عملت فيكي إيه، بقولك الله يسهلك إحنا في شهر كريم ومش عايز أتكلم في أي حاجة أكتر من كده.