محمد شاهين يكشف عن حقيقة وجود صلة قرابة تجمعه بـ إلهام شاهين

كشف الفنان محمد شاهين عن حقيقة وجود صلة قرابة تجمعه بالنجمة الكبيرة إلهام شاهين، وذلك خلال وقوعه ضحية الحلقة الرابعة من برنامج رامز جاب من الآخر.

محمد شاهين ينفي وجود علاقة تجمعه بالنجمة إلهام شاهين 

ونفى محمد شاهين في تصريحات يرصدها تحيا مصر وجود أي صلة قرابة تجمعه بالنجمة إلهام شاهين قائلًا: لا مفيش بس كان نفسي.

تعرض محمد شاهين لأزمة قلبية

في سياق مختلف، نشر حسام داغر صورة تجمعه بمحمد شاهين عبر حسابه بإنستجرام، وعلق: أزمة قلبية، ياه ببساطه كده، ازمة قلبيه اتعرض ليها في السعودية صديق عمري واخويا محمد شاهين بعد انتهاء مسرحيته هناك.

وتابع: عشرة العمر الي بقالنا اكتر من ٢٣ سنه هو اقدم صاحب ليا واقربهم لقلبي يا ريتني جمبك هناك.. بس الحمدلله الرجاله هناك و دكتور اشرف زكي قامو بالواجب.

وأضاف داغر: سلامة قلبك يا حبيبي من التعب ومتخافش من الدعامات اللي ركبوها كل ده علشان تبقي احسن وترجعلنا بالف سلامه بعد ما يطمنوا عليك بعد الشر عنك يا ابو قلب ابيض زي الفل.. يا حبيب الكل.. يا حبييي يا شاهين.

هذا وقال الفنان محمد شاهين لـ تحيا مصر عن أسباب حرصه على أخذ دور في مسلسل “الليلة واللي فيها”: انا كنت عايز اشتغل مع أستاذ هاني خليفة، وكان في فرصتين قبل كده ومكنش ليا حظ اشتغل معاها، وقالي يلا نعمل المسلسل قولتله أنا معاك، من قبل ماعرف الورق فيه ايه.

وتابع شاهين: بعتلي الورق من قبل ما نصور بسنة، وانبهرت وبوقي اتفتح وقولت مقدرش مشتغلش المسلسل ده، عشان حلو جدًا وفيه إثارة وتشويق.

وكشف عن سبب تأخير طرح المسلسل، فقال محمد شاهين: كان في ديكور بيتبني، وكذا حد من الممثلين كان بياخد ورشة تمثيل، ومواعيد وأنا بردو كنت بصور حاجة، وزينة كانت بتصور حاجة، وقعدنا بنصور من 6 لـ 7 شهور، وخلصناه من أقل من سنة.

تصريحات محمد شاهين 

وقال محمد شاهين في أحد اللقاءات التليفزيونية: دوري في المسلسل خلى رجالة كتير يتوحدوا معايا وستات كمان، فيه ستات حبوا شخصية آدم وبعد شوية كرهوه وبعدين حبوه.. وأنا كنت مرتاح مع فكرة الـ 15 حلقة واحنا اشتغلنا كأننا بنشتغل 30 حلقة عادي.

وتابع: ومشهد المطبخ كان مشهد تقيل جدًا وهما الاتنين كانوا بيجرحوا في بعض فيه، وكان لازم اقتنع باللي بقوله عشان يطلع صح.

أوس أوس يكشف حقيقة خضوعه لعمليات تجميل وينهار في رامز جاب من الآخر لهذا السبب

ضحية الحلقة 4 من برنامج رامز جاب من الآخر.. تعرف عليها

واضاف: وشوفت ناس كتير بتفكر بطريقة آدم بس أنا مش بفكر كدا، وأنا مع فكرة الاحترام بين الاتنين.