كرم من ربنا| أحمد عز يكشف سبب حب البنات له

كشف الفنان أحمد عز، عن على اتهامه بالغرور، وسبب حب البنات له.

نقلة نوعية بتاريخ السينما| أحمد يكشف موعد عرض فيلم أولاد رزق 3

أحمد عز يكشف عن موقف محرج حدث له في بداية عمله بالفن

وقال أحمد عز خلال لقاءه مع الإعلامي عمرو أديب في بودكاست Big Time :"أنا زمان كنت بتشال وأتحط بس لما شوية فهمت ورسيت عرفت ان النجاح وحب الناس ونجاح الأفلام وان ربنا يسهلك في ده انت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور".

غيرة أحمد عز الحميدة 

وأضاف أحمد عز: "أنا لما بعمل فيلم مع كريم عبد العزيز أو كريم بيعمل أفلام أو غيره بغير لو عمل فيلم حلو بس أنا مش عايزه يعمل فيلم وحش وخلاص لأ عايزه يعمل فيلم حلو علشان انا اعمل فيلم أحلى منه، حب الناس وكرم ربنا هو سبب النجاح".

مكانة ونجاح أحمد عز

وتابع أحمد عز: "المكانة والنجاح وأن الناس تشوفك مغرور أو تحبك مش بتاعتك دي بتاعت ربنا، وبعدين الناس فيها اللي مكفيها مش كل شوية أنزلهم في صور عن حياتي علي السوشيال ميديا أنا مش بحب الطريقة دي ازاي واحد رايح شغله وطالع عينه ويشوفني وانا نايم علي حمام السباحة هيقول لي ده أنت معندكش دم".

سر حب البنات لـ أحمد عز 

وبسؤاله: ليه البنات بتحب أحمد عز؟ علق الفنان: "والله ما اعرف وفي بداياتي لما كنت اخش السينما لأفلام ليا زي مذكرات مراهقة وسنة أولى نصب وحب البنات، لما أخش السينما من هنا الاقي ريحة البرفيوم مغرقة الدنيا وكانت افلام بتاعتي في سينما ميامي لم يحضر أحد انزل وسط البلد يحطولي صورة ولقيت مستوي الإيرادات مش كبيرة فعرفت ان فيه بنات بتحبني بس فيه شباب شايفيني اني مش شبههم خالص مش بيتوحدوا معايا وينزل فيلم لواحد تاني بعد مني الاقي عليه اقبال كبير، وده عملي عطلة في الأول وعلشان كده عملت افلام اكتر للشباب".

وتابع:" بس حب البنات ليَّ ما أعرفش سببه بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها، وأنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام يعني أنا مش الواد بتاع البنات وده من صغري".