علاء مرسي يكشف تفاصيل إصابته بمرض السرطان ويوضح: شوفت النبي وقت مرضي

تحدث الفنان علاء مرسي عن تفاصيل إصابته بسرطان القولون وذلك خلال حلوله ضيفا على برنامج كلم ربنا مع أحمد الخطيب على الراديو 9090، مشيرا إلى أنه رأي النبي محمد وأبو بكر الصديق.

علاء مرسي عن إصابته بمرض السرطان: ربنا حب ياخدني يأدبني وينورني

وقال علاء مرسي في تصريحات رصدها موقع تحيا مصر: المريض بيكون في لحظات ضعف لا يجد رحيم فيها سوى الله، ولا يجد معينا سواه ولا رؤوف وكريم سواه، ربنا حب ياخدني عنده شوية يأدبني ويعلمني وينورني، و كانت لحظة صعبة جدا، ولكن مش صعبة عليا على قدر ما صعبة على المحيطين بيا، صعبة عندهم أكتر ما هي صعبة عندي، والمحبة مش بتبان ولا تتبروز إلا في اللحظات الصعبة.

علاء مرسي عن إجراء عملية استئصال القولون: كنت خايف ومش مصدق

وتابع علاء مرسي حديثه عن شعوره وقت إجراء عملية استئصال القولون: كنت شوية بهزر وشوية خايف وشوية مش مصدق، والعجيب أنها كانت أول مرة ليا أدخل المستشفى وأنا مريض، وكان عندي لخبطة وعصبية أني مش عاوز أكمل، والحمد لله ربنا رزقني باتنين دكاترة واحد حنون وواحد صارم واحد يطاوعني وواحد يدني قرارات، وبمجرد أني خدت البنج، روحت لعالم آخر، ليس له حدود عالم مريح.

وتابع علاء مرسي حديثه: أنا شوفت سيدنا رسول الله، وأبو بكر الصديق ووالدتي رحمة الله عليها وارتباطي بيها، اكتر واحدة شفت ملامحها بشكل واضح، شفوت صحاب ليا توفوا، وشفت حياة عجيبة، وفجأة لقتني حد بيقول لي حمد الله على السلامة، كان زمن سريع ومخفي، يبان إن مدته ثواني، لكن خد وقته.

تصريحي عن نبيلة عبيد زلة لسان وفخور بالنهضة اللي في السعودية.. أبرز تصريحات علاء مرسي

علاء مرسي: محمد إمام في ورطة لأنه شايل اسم الزعيم.. ومحمد هنيدي حتة مني

علاء مرسي: دعيت ربنا وقولتله عارف اني عاصي ومستاهلش بس انت ساترني

واختتم علاء مرسي حديثه، قائلا: قالولي اني قبل العملية دعيت ربنا وكلمته وقولتله أنا بحبك وأنت بتحبني وببوسك، وعارف أني حبيبك وأنا ما استاهلش لأني عاصي ومقصر وساترني وماليش حد غيرك لأنك انت الله وحبيبي، وكلمته بالشكل ده، لما عدت من الإفاقة حسيت اني مرتاح حسيت أن الله كان معايا حقيقة وكأنه مد رحمته عليا وحسيت أني عندي ثقة كبيرة جدا.