في عيد ميلاده| تعرف على تفاصيل اللحظات الأخيرة من حياة محمد متولي

تحل اليوم الإثنين 11 مارس ذكرى ميلاد الفنان محمد متولي، صاحب رصيد فني ثري في السينما والدراما التلفزيونية المصرية، منها مسلسل ليالي الحلمية، مسلسل زيزينيا، شارع محمد علي، فيلم سلام يا صحبي، وغيرها من الأعمال الفنية الناجحة، وبمناسبة حلول ذكرى ميلاده اليوم سيرصد موقع تحيا مصر تفاصيل اللحظات الأخيرة من حياة محمد متولي وقصة ارتباطه بزوجته والدة بناته.

اللحظات الأخيرة من حياة محمد متولي

كشفت زوجة الفنان الراحل محمد متولي عن تفاصيل اللحظات الأخيرة من حياة والدها، فقالت في حوار سابق لها: هو مكانش مريض، هو طبيعي كان عنده سكر وضعف في عضلة القلب ودي من سنين بس دي من 20 سنة وتأقلم على دا بالأدوية بس قبل ما يتوفى جاله دور برد أثر على اللوز وخاد مضاد حيوي، ولما توفى توفى بطريقة غريبة وسهلة جدا، هو عمل زغطة بس خلاص، وكان قاعد على الكرسي في البيت وكنا بنتكلم معاه عادي.

ابنة محمد متولي عن اللحظات الأخيرة من حياته: مكنتش فاهمة ماله

كما قالت ابنة محمد متولي عن اللحظات الأخيرة من حياة والدها: كان بيقولي بقالي يومين مش عارف أنام وبتغطى وبشيل الغطا واتحر وابرد، وكنت بقوله اتغطى عشان ميجيلكش دور برد، أنا جالي دور برد ومتبقاش زيي قالي يا بنتي أنتي مش فاهمة حاجة وبصي خلاص خلاص، وكان متضايق أننا مش فاهمين اللي هو فيه.

وتابعت: ولما مات ماما مفهمتش وقالت دا نام وأنا قولتله فيه ايه وقعدت تحت رجله مش فاهمة وبحاول افوقه بس كنت حاسة وكنت فاهمة أن دي حاجة مش طبيعية، وكنت بقول يا جماعة إسعاف ونزلت من البيت وأنا على رجلي ومحستش برجلي أنا نزلت ازاي.

برنامج حبر سري.. أسما إبراهيم تستضيف أمير كرارة في أولى حلقات برنامجها

هند عبد الحليم تعلن تعرض والدتها لوعكة صحية وتطلب الدعاء لها| تفاصيل

قصة حب محمد متولي وزوجته

ومن ناحية أخرى، كشفت زوجة محمد متولي عن تفاصيل قصة حبهما وكواليس ارتباطهما، فقالت في لقاء تلفزيوني لها: اتجوزنا عن طريق المسرح، كنت دخلت واحدة صاحبتي مساعد مخرج واتفرجت على مسرحية شباب امرأة كانت فيها مدام فيفي عبده وفاروق الفيشاوي، وهو كان داخل المسرح وكان دايما بيجي الساعة 11 بليل وأنا كنت بمشي 8 ونص لأن أنا بابا ظابط فلازم المواعيد بانضباط في البيت وبالصدفة اليوم دا هو دخل فقالي أنتي بتشتغلي هنا معانا قولتله لا ومحبش اشتغل قام قالي مش عايزة تبقي ممثلة قولتله لا إطلاقا انتو ربنا داعي عليكم بضحك، وبعدين اكتشفت أن الإجابة دي خليته يفكر في الارتباط بيا لأنه مكنش عايز زوجة فنانة عشان شغلهم متعب وكمان مكنش عايزني اشتغل.