في عيد ميلاد يسرا.. سبب صادم حول عدم إنجابها

تحتفل النجمة المصرية يسرا، اليوم الأحد الموافق 10 مارس بعيد ميلادها ال 68 حيث أنها من مواليد عام 1955وهي تعد من كبار نجمات الوسط الفني ولها تاريخ فني حافل بالأعمال المميزة.

عيد ميلاد يسرا 

وفي عيد ميلاد يسرا، يرصد تحيا مصر سبب عدم إنجاب الفنانة المتألقة، حيث أنها قالت خلال لقاءها ببرنامج كلام نواعم: وأنا في التلاتينات كان عندي هاجس أني لازم أبقى أم لأني معطاءة بطبعي، كنت هموت وأخلف، وبعدين حصل أني فقدت طفلين في جوازتي الأولى، ولما اتجوزت خالد قولتله نخلف ملقتوش مبسوط من الموضوع دا وقال نشوف.

عدم إنجاب يسرا 

وتابعت: قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها، لكن الزمن اللي هنخلف فيه على بال ما يكبروا بعد 20 سنة هتبقى حياة مختلفة مش هيشوفوا اللي إحنا شفناه، هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش.

هذا وقالت يسرا خلال لقائها ببرنامج ab talks: الناس بتحكم على الفنان 24 ساعة وبيطلعونا شياطين على السوشيال ميديا ويصححوا أفعالنا، والجمهور بيغزو حياتنا لدرجة إني بتعب ومبقدرش أبتسم أحيانًا؛ لأننا عندنا ضغوطات ومش سعداء دايمًا، وقبل السوشيال ميديا مكنش حد بينتقد فنانة عشان لبست بيكيني وكان عندنا حرية وخصوصية.

تصريحات يسرا 

وتابعت: إحنا كنا أسعد وعندنا حرية ووقت خاص لينا ومحدش بيقتحم خصوصيتنا قبل ظهور السوشيال ميديا، ومكنش حد بيحكم علينا وبقينا نتعرض لانتقاد أكتر حاليًا، عكس من 40 سنة وبدأت أعاني من السوشيال ميديا، لدرجة الناس بيصورونا وإحنا بناكل وينشروها على السوشيال ميديا، ليه بتصورونا وإحنا بناكل؟ سيبونا في حالنا ليه بتقتحم خصوصيتي كدا؟

وأضافت: فيه اللي بيقتص الكلام وياخد كلمتين ملهمش علاقة باللي بقوله وينشرهم، ودا ميصحش على الأقل بالنسبة لآداب السلوك والأخلاقيات ودي ملهاش علاقة الشخص متعلم ولا لا، ولكنها الطبيعة الإنسانية، مثلا لو لقيت شخص أكبر مني سنًا ومش لاقي مكان يقعد هقف له لأني اتعلمت دا في المدرسة.

يسرا عن التعاون المصري السعودي: كان لازم يحصل من زمان

صدمة| يسرا تكشف موقفها من المشاركة في موسم رمضان

واختتمت يسرا حديثها، قائلة: في النهاية أنا اخترت الشهرة ولازم أتحمل عيوبها ومينفعش ألوم حد؛ لأني بحب اللي بعمله وبحترمه وأنا مدينة للناس اللي بيحبوني ولكن بقول لهم سيبولي وقت عشان أقدر أكمل والمفروض يكون فيه تقدير للخصوصية أكتر زي ما أنا بقدر حبهم.