طارق لطفي عن مسلسل العتاولة: أما عرفت أن السقا فيه قولت هتبقى كواليس عظيمة وابني بيخاف من شكلي

تحدث الفنان طارق لطفي عن تفاصيل مشاركته في مسلسل العتاولة والذي يخوض بطولته إلى جانب الفنان أحمد السقا ومن المقرر أن يتم عرضه ضمن سباق مسلسلات رمضان 2024، مشيرا إلى أنه تحمس للمشاركة في العمل بعدما علم مشاركة احمد السقا به.

طارق لطفي: أما عرفت أن أحمد السقا في مسلسل العتاولة قولت ده اللي هيصبرني في الكواليس 

وقال طارق لطفي في تصريحات رصدها موقع تحيا مصر: أحمد السقا أخويا بجد، وهو من أرجل وأطيب الناس اللي ممكن نقابلهم في حياتنا، ولما اتعرض عليا الدور ولاقيت السقا قولت هتبقى فيه كواليس عظيمة، وخلاص لاقيت الأخ والصديق اللي هنصبّر بعض في الكواليس اللي كلها شقى وتعب.

وعن دوره مع احمد السقا في مسلسل العتاولة، قال طارق لطفي: احنا أخوات جدا ومكملين لبعض، وكل واحد له وظيفة معينة داخل الحدودتة، ولو انفصلوا عن بعض هيحصل خلل وهنشوف الصراع أن ميبقاش في انفصال، مش صراع أن حد يبقى أكبر من التاني، لا بنحافظ على بعض عشان نكمل مع بعض.

طارق لطفي: ابني خاف مني بسبب شكلي في مسلسل العتاولة

وعن مظهره في مسلسل العتاولة، قال طارق لطفي في تصريحاته مع قناة mbc : مصدقتش نفسي، وابني الصغير ياسين لحد دلوقتي بيخاف يكلمني فيس تايم لآنه خايف مني، وبيقولي شكلك وحش أوي يا بابا.

واستكمل: أول مرة أعمل دور شعبي، والحقيقة تحدي بالنسبالي، لأن الناس الشعبيين ليهم خصائص، غير الخصائص الطبيعية اللي هي الجدعنة، الناس بتتكلم بأيدهم وعندهم لغة جسد وألفاظ كمان، وبيستعملوا مصطلحات مختلفة، فالدور كله مختلف عن الأدوار اللي أنا عملتها، فكان الموضوع تحدي، وعجبني الدور أوي لما أحمد خالد بعتلي ورقتين عجبني أوي خصوصا أن السقا موجود فيه.

طارق لطفي عن تعاونه مع أحمد السقا في العتاولة: احنا عشرة عمر ودخلنا بيوت بعض

طرح البرومو الرسمي لمسلسل العتاولة بطولة أحمد السقا| فيديو

طارق لطفي في مسلسل العتاولة

وعلى نفس السياق، يخوض طارق لطفي سباق مسلسلات رمضان 2024 من خلال مسلسل العتاولة إلى جانب كلا من النجوم أحمد السقا وباسم سمرة، زينة، ومي كساب، وحنان يوسف، وصلاح عبدالله، وسامي مغاوري، وميمي جمال، وغيرهم، وهو من تأليف هشام هلال، ومن إخراج أحمد خالد موسى.