كنت بتعرض للتنمر وأحمد السقا شال المرارة.. أبرز تصريحات مها الصغير

فجرت الإعلامية مها الصغير زوجة النجم أحمد السقا، عدة تصريحات حول مرض زوجها وتعرضها للتنمر، فضلًا عن الأحداث الواقعة في فلسطين.

أزمة أحمد السقا الصحية

وقالت مها الصغيرفي تصريحات تليفزيونية يرصدها تحيا مصر: أحمد السقا كان تعبان صحيًا أوي، علشان كده كان وشه تعبان أوي وعينيه كانت صفراء وكان هزيل جسمانيًا، وكان عنده حصاوي وشال المرارة بعدها على طول، والكلى كانت شغالة بنسبة 20 أو 30 %.

وتابعت مها الصغير: الدور نفسه كان راجل تعبان ومرهق، تعبه خدمه في الشخصية، ولكن اشتغل تحت ضغط لأنه كان تعبان صحيًا، ولكن هو دلوقتي الحمد لله كويس.

تعرض مها الصغير للتنمر بسبب مهنة والدها

وأوضحت الإعلامية مها الصغير: كنت بتعرض للتنمر وأنا صغيرة بسبب أن بابا كوافير، وبنصح الأطفال والمراهقين أنهم يتكلموا لو تعرضوا للتنمر، يحكوا لحد يساعدهم علشان التجربة متأثرش بالسلب وتعمل صدمة نفسية.

مها الصغير تتحدث عن فشل العلاقات وحالات الطلاق

وأردفت، مؤخرًا في علاقات كتير بتفشل فشل ذريع وحالات الطلاق بنسبة عالية جدًا، وفي عدم مسئولية من ناحية الرجالة والستات، فأكيد الإعلام دايمًا بيشوف اللي بيحصل في الحياة الاجتماعية ونقول كلام يفيد الناس.

تعليق مها الصغير على الأحداث في فلسطين 

واستكملت، أحداث فلسطين غيرت فيا كل حاجة ونظرتي للدنيا ولأطفالي وعايزة أعمل إيه، وأهم حاجة كنت أعرف ولادي الحقيقة لأنهم متعرضين لأخبار مش مظبوطة على السوشيال ميديا، والولاد بقى عندهم وعي شديد بالقضية الفلسطينية وبيشاركوا بجد في عمل إنساني الحمد لله.

واختتمت مها الصغير حديثها قائلة: لما باجي أشوف طفل صغير مش معدي الـ 10 سنين بيقولوا أنهم هيفضلوا في أرضهم والأهالي اللي مستعدة تضحي علمونا عزة النفس والكرامة والوطنية، وشوفنا معجزات من 7 أكتوبر لغاية دلوقتي.

رسالة مها الصغير لوالدها الراحل محمد الصغير

وكانت وجهت مها الصغير رسالة لوالدها قائلة: من غيرك الدنيا حاجة تانية، وجودك بس كان حاميني، محدش كان يقدر يعمل لي حاجة طول ما أنت عايش. 

مرت بمشكلات شخصية صعبة.. صندوق أسرار مها الصغير زوجة أحمد السقا

مها الصغير تحيي ذكرى وفاة والدها الثالثة: مازلت افتقد صوتك ووجودي بين ذراعيك

وأضافت مها الصغير: زي ما يكون كنت حاميني ومخبيني من كل الشياطين اللي نحوا دلوقتي.. بس برضه أنت مخلف واحدة عمرها ما هتخذلك، واحدة قوية.. الله يرحمك يا حب عمري.

وتعد مها الصغير زوجة النجم المتألق أحمد السقا وابنة الراحل محمد الصغير واحدة من أهم الإعلاميات على الساحة، حيث قدمت برامج ناجحة ناقشت خلالها أمور هامة.