في عيد ميلادها| ماذا قالت سميحة أيوب عن وفاة نجلها وعلاقة صداقتها بأم كلثوم ؟

يحل اليوم الجمعة 8 مارس عيد ميلاد الفنانة القديرة سميحة أيوب، صاحبة التاريخ الفني الطويل الحافل بأنجح الأعمال المسريحة، والتلفزيونية والسينمائية، وبمناسبة حلول عسد ميلادها اليوم، يرصد موقع تحيا مصر ما قالته سميحة أيوب عن وفاة نجلها وعلاقتها بأم كلثوم.

حديث سميحة أيوب عن وفاة نجلها

تحدثت سميحة أيوب عن وفاة نجلها في أحد لقاءاتها التلفزيونية، فقالت: اتوجعت في حاجات كتير، الإنسان وهو ماشي في المسيرة بتاعته بيتوجع من حاجات كتيرة جدا ناس اعزاء عنده راحوا، حد كان عنده ثقة فيه وخان، يخيب أملك في حد دا أنا بعتبره كسر وبعدين بتتغلبي على الفكرة دي وبتمشي، لكن في ناس بتحب تعيشها ودا غلط، الإنسان لازم يتغلب على المشاكل والصعاب، ويحاول يطلع منها بقدر المستطاع.

وتابعت: ووفاة ابني وجعتني ولسه لغاية دلوقتي جرح موجود والحنين موجود ولكن سنة الحياة، ربنا عامل الذاكرة ليه؟، أنك تنسي شوية وتفتكري شوية وهكذا، وتجاوزت لحظة وفاة وإلا مكنتش هقدر أقعد واتكلم، في ذكريات وفي وجع وحاجات كتير.

سميحة أيوب ومسلسل رابعة العدوية

وفي لقاء آخر، كشفت سميحة أيوب عن تفاصيل مشاركتها في تمثيلية رابعة العدوية بالإذاعة، فقالت: أثناء تسجيل تمثيلية رابعة العدوية كنت أنا تمثيل وأم كلثوم غناء، وكان في حد قبلي أم كلثوم معجبهاش صوتها، فقالت في بت طالعة جديد اسمها سميحة أيوب هاتوها، فأستاذ عثمان أباظة المخرج ندهني قالي سميحة أنتي هتسجلي رابعة قولتله ما اتسجلت قالي لا انتي هتسجليها، قولتله اتسجلت يا أستاذ قالي ماهي أم كلثوم سمعت ومعجبهاش قولتله لا أنا مقدرش اعملها قالي ليه، قولتله الست العظيمة دي عملتها ازاي أنا أعملها ازاي أنا اعملها بعدها، قالي لا يا سميحة دي فرصة قولتله لا وأنا كنت طالعة لسه جديد، وأيامها كان مدير الإذاعة حماد بيه.

اخبار الفن اليوم الجمعة| عمرو دياب يحيي حفل افتتاح كأس مصر.. عرض مسلسل قيامة عثمان الحلقة 151

منها موعود وسيرة الحب.. مي فاروق تقدم أغنيات أم كلثوم والعندليب بمصاحبة Djs في السعودية

علاقة أم كلثوم وسميحة أيوب

وتابعت: قالهم طلعولي البت دي عايز اشوفها ودخلت عليه قالي أنتي بقى سميحة أيوب قولتله اه، قالي مش عايزة تمثلي ليه قولتله لأن في سيدة محترمة عملت الدور ومقصرتش قالي بس انتي هتعمليه قولتله لا يا فندم قالي يبقى مش هتخشي الإذاعة قولتله ولو  بلاش الإذاعة، ونزلت وبعد 5 أيام وهما قاعدين يكلموني هي كلمتني الممثلة اللي لعبت الدور قالتلي يا سميحة أعملي الدور قالتلي أنا بحب الدور وأنتي لو معملتهوش هجيبوا أي حد يعمله فعشان خاطري اعمليه قولتلها حاضر وكلمت استاذ عثمان أباظة قولتله أنا هشتغل.

واردفت: أم كلثوم أصرت تحضر التسجيل وأيامها التكيف باظ في الاستديو ونار فهي كانت بتقف بكباية العصير اللمون على باب الاستديو عشان تديني اخد، ومن هنا بدأت الصداقة بينا، وكل يوم جمعة كان في محل في أخر شارع الهرم اسمه خريستو كنا بنتغدى فيه سوا، وهي بتحب تسمع مسلسلاتي.