فيفي عبده: نفسيتي تعبانة.. وايد الهون اتكسرت في ايدي بسبب الحسد

تحدثت الفنانة فيفي عبده عن الاختلاف بين الماضي والحاضر داخل الوسط الفني، وذلك خلال لقاء لها ببرنامج الراديو بيضحك مع الإعلامية فاطمة مصطفى عبر محطة الراديو 9090.

فيفي عبده: مبقاش في حب بالوسط الفني

وقالت فيفي عبده في تصريحاتها التي يرصدها موقع تحيا مصر: الدنيا اختفلت كتير عن زمان، أولا مبقاش في حب في الوسط الفني، مبقاش في الحب اللي احنا متعودين عليه، كنا كل أسبوع بنقعد نتجمع الفنانين عند كل واحد يوم، نتجمع ونقعد مع بعض وبنحب بعض، ويمكن الدنيا اتغيرت لأن ساعتها كنت راقصة بس مكنتش بمثل، بس مازال احنا بنحب بعض جدا، الفنانين القدام يعني.

وتابعت: واللي حاصل دلوقتي أن كورونا اخدت كتير مننا، وأنا الدكتور قالي اتفرجي على حاجات تضحك من كتر ما نفسيتي تعبانة، وبقيت أجيب الحاجات اللي بتضحك، ومبسوطة جدا من المشاريع اللي معمولة في مصر، وكنت في بلد قريب الدوا هنا بـ 30 ج هناك بـ 600 درهم !، لا أروح أبوس الأرض اللي بنمشي عليها في مصر.

فيفي عبده تتعرض للحسد

وفي اللقاء ذاته، كشفت فيفي عبده عن تعرضها للحسد، فقالت: من قر الناس القرآن لما باجي أقراه بيقف في بوقي، والخرز الأزرق مش لاقياه اللي كنت بلبسه، ومحدش كان بيلبس أزرق زيي، أنا مرة كنت على المسرح عندي أغنية بتقول دق الكزبرة، ووأنا على المسرح بغنيها راح الهون اتكسر نصين، وقولتلهم ليه كدا.

مش عاجبني الميعاد ده.. فيفي عبده ترد على توقعات ليلى عبد اللطيف بوفاتها في الـ 80

فيفي عبده توجه رسالة لياسمين عبدالعزيز واحمد العوضي: عايزين نشوفكم مع بعض

وعن المنتج الذي أدعى بعمل سحر لها قالت فيفي عبده: دا كلام فاضي معرفوش، ورديت على كلامه بطلوعي للجمهور وللناس، دا كلام فارغ، حد يقول الكلام دا بردو، والميديا مش كل حاجة فيها صح، في كدب كتير أوي ومكنتش أعرف كدا.

أخر أعمال فيفي عبده

ومن الجدير بالذكر أن أخر أعمال فيفي عبد في الدراما مسلسل شغل في العالي، والذي تدور أحداثه حول جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما.

وشارك في بطولة مسلسل شغل في العالي عدد كبير من النجوم والنجمات، منهم: فيفي عبده، شيرين رضا، محمد رضوان، فريد النقراشي، وغيرهم.