كانت بتطفي السجاير فيه.. منتجة شهيرة تكشف مفاجأة عن أرملة حلمي بكر

كشفت المتجة ليلى الشبح، مفاجآت صادمة عن علاقة الراحل بزوجته سماح القرشي، وهو الأمر الذي أحدث ضجة عارمة وأثار جدل واسع.

ليلى الشبح تتهم أرملة حلمي بكر بتعذيبه

وقالت ليلى الشبح في تصريحات يرصدها تحيا مصر: مراته كانت بتعذبه، وكان عنده برنامج في المدينة وسيد عمر المصور راح جابه وحجزته معاه وقفلت عليهم.. وعذبت حلمي وشتمت سيد عمر المصور بتاع المدينة.

إهانة أرملة حلمي بكر له

وتابعت، مراته أساءت له وشتمته قدام سيد عمر، والمصور قالها طيب أنتي قصتك مع جوزك طلعيني من الشقة، راحت شتمته.. أنا مبتواصلش معاها خالص، وأنا زعلت وقولت لحلمي بكر بلاش ترجع لها؛ لأنها عذبته قبل كده، وجابتله بلطجية، وكانت بتولع السجاير وتحرقها في جسمه، ومكنش بيحبها وكان عايش معاها علشان بنته.

وأضافت، جابت بلطجية علشان تاخد الجثمان وتدفنه الساعة 10، واللي حصله ده مينفعش.. ده قيمة وقامة لينا كلنا ومينفعش مراته تعمل كده.

تصريحات ليلى الشبح 

واستطردت، النقيب مصطفى كامل مقصرش، ولكن كان لازم هشام نجل الراحل وأخواته هما اللي يكونوا موجودين.. وقبل كده مرات حلمي جابت لأحمد أخوه الراحل بلطجية، وكانت بينهم خناقات.

وكان قال ابن حلمي بكر ببرنامج كلمة أخيرة: حالة بابا مش كويسة خالص، حالته لا يرثى لها، عنده مشاكل كتير صحية، منها الكلى، وتقدم سنه أثر على ذاكرته وقدرته على التركيز في الأيام الأخيرة، وللأسف الشديد جاتلي أخبار عن طريق عمي كلمني من حوالي يومين قالي أني لازم أجي مصر في أسرع وقت لأن غالبا حلمي بكر في أيامه الأخيرة، وأنا فعلا بجهز أني أجي قريب.

وتابع: وأنا عايش في أمريكا من وأنا عندي 15 سنة، ومامتي وبابايا انفصلوا وأنا عندي 11 سنة، وعلى طول سيبت مصر، وأنا كنت على اتصال بوالدي أثناء الكورونا بس من ساعة الكورونا مقدرتش أشوفه، وعلاقتي مع أبويا مش التقليدية اللي بين أب وابنه لأسباب كتير.

معالم الحزن والأسى تسيطر على هشام نجل الموسيقار حلمي بكر في عزاء والده

أرملة حلمي بكر: كنت بدخله الحمام واغيرله وكل اللي بيهاجموني بيعملوا شو

واستطرد: بيجيلي أخبار عن المعاملة السيئة اللي عايش فيها والدي من مراته الحالية، وناس تانية متعلقين بمراته، مراته طلعته من بيته اللي هو بيت المهندسين اللي أنا اتربيت فيه وأنا صغير، ونقلته لشقة في الشرقية في الأرياف لا تليق بحلمي بكر ابدا، ومحدش عارف يوصل لحلمي بكر لأنهم واخدين منه تليفونه، وأنا بحاول اتصل بيه مش بعرف اوصله، فمراته الحالية مسيطرة على كل شيء وهي اللي بتعمل القرارات وفي أخبار تانية بتجيلي من الفنانة نادية مصطفى أنه جالها رسائل صوتية من أصدقاء حلمي بكر بيقولوا أنه بيغتال وبيتعذب من أفراد مرتبطين بمراته.