في ذكرى وفاتها| تعرف على قصة استشهاد ابن شريفة فاضل.. وكواليس غنائها أغنية أم البطل

تحل اليوم الثلاثاء الموافق 5 مارس ذكرى وفاة المطربة شريفة فاضل، صاحبة رصيد فني غنائي حافل بأنجح الأعمال الغنائية طوال مسيرتها الفنية، منها أغنية اه من الصبر، وأغنية موال العشاق، وغيرها من الأغنيات، وبمناسبة حلول ذكرى وفاتها اليوم سيرصد موقع تحيا مصر تفاصيل قصة استشهاد نجلها في حرب 6 أكتوبر، وكواليس غنائها أغنية أم البطل.

استشهاد نجل شريفة فاضل

تحدث نجل المطربة شريفة فاضل عن تفاصيل استشهاد شقيقه سيد، خلال الحرب، فقال في مداخلة هاتفية له بأحد البرامج التلفزيونية: كانت أم حنينة جدا، كانت حنينة على الناس كلها فبالتالي ولادها كانت أحن عليهم طبعا، وسيد أخويا لما استشهد كان عنده 21 سنة، وهو اتخرج طيار وقعد في روسيا سنتين بيتمرن ولما رجع كان طيار إحدى الجولات اللي كانوا بيستعدوا ليها للحرب، ومن 13 سنة سيد أخويا استشهد سنة 1973 وتامر أخونا كان لسه مولود.

كواليس أغنية أم البطل

وفي نفس السياق، حرصت شريفة فاضل على تكريم نجلها وإحياء ذكراه للأبد فقدمت له واحدة من أشهر أغنياتها والتي تحمل اسم أم البطل، وقال الناقد الفني طارق الشناوي في تصريحات سابقة له عن كواليس أغنية أم البطل، فقال: أغنية أم البطل خرجت من إحساس مدام شريفة، هي طبعا صديقة لنبيلة قنديل، وهي حاست أنه اللي ممكن تعمله لصديقة عشان تعمل توازن نفسي أنها تغني لابنها، وطلبت أنها تدخل اوضة سيد وطلبت قهوة وكتبت الأغنية، قفلت باب الأوضة على نفسها وتأملت الأجواء، وخدت الكلمة من مدام شريفة "ابني حبيبي يا نور عيني"، فأخدت الجملة وكتبت الأغنية العبقرية دي اللي عملها علي إسماعيل في لحظات وتم تسجيلها، وأصبحت عنوان لكل الشهداء.

أنس بوخش: بعد انفصالي عن زوجتي بقينا رفقاء.. وهذه مواصفات فتاة أحلامي

أنس بوخش: علاقتي بوالدي رسمية.. وسر نجاحي الإنصات لا الاستماع

فايزة أحمد وشريفة فاضل

وتابع: كانت بتحب أغنية أم البطل بس كانت صعبة عليها جدا ولازم بعد ما تغنيها تعيط، وعشان كدا لازم تغنيها أخر أغنية، وبستغرب القوة اللي هي غنت بيها ازاي جابت القوة دي وابنها لسه مستشهد.. حكتلي مرة عن مدام فايزة أحمد، كانت في الاستديو اللي جمبها وهي بتسجلها، وقالتلها ازاي يا شريفة بتغني كدا أنتي اتجننتي انتي بتعملي ايه في نفسك، عشان كانت هي بين كل كوبليه والتاني بيغمى عليها وتقعد تعيط شوية وتكمل بقيت التسجيل، ففايزة أحمد سألتها ليه يا شريفة بتعملي كدا فقالتلها أنا عايزة اعمل كدا عشانه.