في عيد ميلاده| تعرف على قصة تربية محمد الحلو للأسود.. وسبب بكائه من محمد منير

يحل اليوم الأحد الموافق 3 مارس عيد ميلاد المطرب الكبير محمد الحلو صاحب تاريخ فني ثري بأنجح الأعمال الغنائية، سواء الألبومات والأغاني المنفردة أو تترات المسلسلات المصرية الشهيرة، فدائمًا طبقة صوته معروفة بالأصالة والشجن، وبمناسبة حلول عيد ميلاده اليوم الأحد سيرصد موقع تحيا مصر قصة تربيته للأسود، وسبب بكائه من محمد منير وتعرضه للسب منه.

محمد الحلو وتربية الأسود

أكد محمد الحلو في لقاء تلفزيوني سابق له، أنه لم يمارس أبدًا استعراضات السيرك كباقي عائلته، فقال: كنت بروح السيرك مع قرايبي اتفرج بس، ودخلت مرة عند الأسود بس لازم يكون محمد ابن عمي موجود أو أبويا مع محمد أو مثلا ابن عمي إبراهيم الحلو أنما مغاوتش موضوع السيرك دا ابدا، بس أنا رياضي من صغري، وكنت بطل جودو وأنا صغير، وبيتنا كان فيه أسود يعني أبويا كان بيجيب أسود في البيت يتربوا لحد 6 شهور.

موقف طريف في بيت محمد الحلو بسبب الأسود

وتابع: وكان عندنا أنثى الأسد اسمها رشا واحنا كأطفال بنحبها وبنخرجها، وماما كانت بتحبسها عشان بتقطع الحاجات، واحنا عاداتنا مصرية، وكان ليا أختي الصغيرة توفت فكان كل خميس يجي شيخ يقرا في البيت فكان اسمه الشيخ إبراهيم، وهو كان نظره ضعيف، فدخل وقعد وقلع الجزمة بتاعته وربع وقال بسم الله الرحمن الرحيم طه، وماما بالصدفة قالت الأسد فك يا ولاد، قال صدق الله العظيم، وساب الجزمة وطيران على برا مخبطش في حاجة.

مبحبش الألقاب ومثلت زمان 5 أفلام وحشين.. أبرز تصريحات محمد الحلو التلفزيونية

رد محمد عبد الله على اعتذار محمد الحلو عن حفل علي الحجار| تفاصيل

سبب سب محمد منير لـ محمد الحلو

وفي اللقاء ذاته، كشف محمد الحلو عن سبب سب المطرب محمد منير له، فقال: محمد منير شتمني، لما اقعد مع حضرتك وتكلميني عن الطرب الأصيل، منير برا الحتة دي، لأنه لون لوحده وحاجة مختلفة جدا، فكنت بقول علي الحجار وهاني شاكر ومدحت صالح، وفي مرة لقيت تليفون العربية عندي بيرن، أيام ما كان عندي عربية ومسلمش عليا ولا حاجة ولقيته بيقولي يعني خلاص انتو الأربعة اللي ماسكين لواء الغناء العربي، الخلفاء الراشدين وراح شاتم، وقالي طب اعتبرني يا أخي بلال، وأنا بقيت أبكي من صوته من الضحك، وكلمت علي الحجار واخدته وروحناله البيت عشان نخلص من القصة دي ونصالحه، وفهمته بس هو مش بيفهم، بس خلاص هدي وبقى جميل.