مسلم عن خطوبته بعد طلاقه بشهرين: معملتش حاجة حرام ومش بحب اتكلم عن حياتي

حرص المطرب مسلم الرد على كل الانتقادات التي وجهت له، بسبب إعلان خطوبته بعد شهرين فقط من طلاقه، وذلك من خلال مقطع فيديو عبر حسابه الشخصي على موقع تبادل الصور والفيديوهات إنستجرام.

مسلم: مش هتكلم على واحدة كانت مراتي

وقال مسلم في مقطع الفيديو الذي يرصده موقع تحيا مصر: الناس قلبت عليا السوشيال ميديا، ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، واه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا، وأتمنى الناس تكون عندها عقل وفهم عشان خاطري إنتو متعرفوش حاجة، ومحدش يعرف اللي جو البيت بيدور أيه أو اللي جوه الحياة بيبقى عامل ازاي.

مسلم عن خطبته بعد شهرين من الطلاق: معملتش حاجة حرام

واستطرد مسلم: ومحدش يعرف ده عامل إيه وأنا مش بحب أتكلم عن حياتي وبيتي، أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.

منهم حسن أبو الروس وعنبة.. أبرز حضور حفل خطوبة مسلم| فيديو

بعد طلاقه بشهرين.. مسلم يحتفل بخطوبته على فتاة من خارج الوسط الفني

مسلم يوجه رسالة إلى خطيبته

وسبق وأن حرص المطرب مسلم على توجيه رسالة خاصة إلى خطيبته، بعد إتمام حفل خطوبتهما اليوم الخميس، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

ونشر مسلم مجموعة صور من حفل الخطوبة، وعلقت عليها قائلًا: انهاردة بجد عرفت أن نهاية 2023 أجمل نهاية بي النسبة ليا، وأصبحت أجمل إنسانة في حياتي اللي ربنا كرمني بيها بعد تعب كبير ومشاكل كتير في حياتي بحبك جدًا، وربنا يخليكي ليا ونفضل سند لي بعض وضهر جامد يا أجمل يارا.

وفي نفس السياق، شهد حفل خطوبة مسلم الذي أقيم يوم الخميس الماضي في قصر البارون حضور عدد كبير من نجوم ونجمات الفن والغناء، منهم: حسن أبو الروس، عنبة، مصطفى حجاج، وغيرهم.