أحمد سعد: أنا متدين بشكل معين.. وسبت البيت وأنا عندي 15 سنة

حل الفنان المصري أحمد سعد ضيف على برنامج Abtalks الذي يقدمه الإعلامي أنس بوخش عبر قناته الرسمية بموقع الفيديوهات العالمي يوتيوب.

سبب ترك أحمد سعد لمنزله

وقال أحمد سعد في تصريحات يرصدها تحيا مصر: سبت البيت وأنا عندي 15 سنة.. اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم أن وجهة نظري صح.

وأضاف، طول حياتي بثبت للناس ومفكرتش أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغني وأقول مواويل.

أحمد سعد يكشف عن حلم تسبب في بكاءه

واستطرد، حلمت حلم وأنا عندي 25 سنة وشوفت حاجات عن نفسي غريبة جدا، فيها شخص مختلف تماما شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايما وأنا ماشي في العربية بقعد أستغفر لكل الناس.. وأنا متدين ومتصوف بشكل معين.

وأردف، مقدرش أعيش من غير الشهرة.. والحاجة الوحيدة اللي آذتني فيها إني مش عارف أكون مع ولادي في الملاهي.

تصريحات أحمد سعد 

من جانبه، قال أحمد سعد في مداخلته الهاتفية في برنامج «الحكاية» الذي يقدمه الإعلامي عمرو أديب عبر شاشة «MBC مصر»: «أنا أول مرة أشوف محمد صلاح بس أنا بحبه وكان حلمي إني أشوفه من بدري لأنه نموذج مصر محترم، محمد صلاح رمز للإنسان الناجح اللي بيعرف ينبسط، لما تكون مشهور وتعرف تنبسط دي حاجة مهمة جدا».

وتابع: «محمد صلاح حاجة مبهرة وجميلة وبقعد اتفرج عليه وأنا منبهر، صلاح منظم جدا، وقت الشغل شغل، وكانت نفسيتي تعبانة قبل ما أروح اليونان، بسبب اللي حصل معايا، لكن ربنا كرمني بأني شوفت محمد صلاح إنسان جميل.

أحمد سعد: حاسس أني طيب وغلبان وبحب الظهور ودا مرض

أحمد سعد ضيف Abtalks في هذا الموعد

وحقق أحمد سعد نجاح واسع بأغنية اختياراتي عبر حسابه الرسمي بموقع الفيديوهات الشهير “يوتيوب”، والأغنية من كلمات منه عدلي القيعي ومن تأليف احمد عبد الوهاب، وإخراج احمد عبد الوهاب.

أحمد سعد ضيف Abtalks في هذا الموعد

أحمد سعد: حاسس أني طيب وغلبان وبحب الظهور ودا مرض

كلمات أغنية اختياراتي

وأتت كلمات أغنية أختياراتي على هذا النحو: هو انا مكتوب على وشي .. تعالى اجرحني وامشي طب اكلم مين يلحقني .. واصرفها منين معلشي اختياراتي مدمرة حياتي حياتي .. اختياراتي مدمرة حياتي كده ليه اختياراتي مدمرة حياتي حياتي .. اختياراتي مدمرة حياتي حياتي ليه مغنطيس لناس غريبه ليه .. والقلب شاف حاجات عجيبة ليه انا مغنطيس لناس غريبه ليه .. والقلب شاف حاجات عجيبة ليه كل مرة تندهلي .. وترميني في حضن المصيبة.. المصيبه ليه مش فاتح تاني الباب .. دا انا كل مجايبي هباب وازاي انا هنت عليهم .. ودي خلقه يا ناس تتساب اختياراتي مدمرة حياتي حياتي .. اختياراتي مدمرة حياتي كده ليه اختياراتي مدمرة حيااااااتي .. اختياراتي مدمرة حياتي .. حياتي ليه مغنطيس لناس غريبه ليه .. والقلب شاف حاجات عجيبة ليه مغنطيس لناس غريبه ليه .. والقلب شاف حاجات عجيبة ليه كل مرة تندهلي .. وترميني في حضن المصيبه ... المصيبه ليه.