ملك أحمد زاهر تكشف سر عدم ارتباطها: ملقتش اللي يستاهلني

تحدثت الفنانة ملك أحمد زاهر عن خطوبة شقيقتها ليلى زاهر من الفنان هشام جمال، موجهة رسالة لهم والدعاء بأن يتوج قصة حبهم بالزواج دون حدوث أي مشكلات تعرقل طريقهم، وذلك خلال لقاءها في برنامج عرب وود.

ملك أحمد زاهر توجه رسالة لشقيقتها ليلى بعد الخطوبة 

وقالت ملك أحمد زاهر في تصريحات رصدها موقع تحيا مصر منذ قليل، متحدثة عن شقيقتها ليلى زاهر: بقولها حبيبتي ألف مليون مبروك، ربنا يسعدك ويسعد قلبك عشان انتي تستاهلي أحلى حاجة في الدنيا وهشام احلى حاجة في الدنيا وانا مبسوطة أنها في حاجة كويسة ليها ومفيدة لصحتها لان الحب يا يبقى حاجة كويسة اوي، يا تبقى متعبة اوي فيارب يبقى خير ويحميهم من العين.

ملك أحمد زاهر عن عدم ارتباطها: مش هلاقي حد احن من بابا 

وعن سر عدم تفكيرها في الارتباط هي الأخرى حتى الآن، أوضحت ملك أحمد زاهر: أنا مش جاهزة اني ارتبط، أو مالقتش الشخص المناسب اللي يتساهلني لحد دلوقتي، وأنا مقتنعة جدا أن اي بنت في الدنيا حاجة كبيرة جدا خصوصا اننا عندنا حتة الأمومة والطيبة دي والحنية والعطاء فمش اي حد يستاهل، وكمان أنا عندي أب مفيش أحن منه، فأنا بشوف حنية في البيت متأكدة اني مش هشوفها برة، فلو ملقتش حد يديني الحنية دي او أكتر ايه اللي يمشيها.

وسبق وتحدث ملك أحمد زاهر عن شريك حياتها، قائلة: لو حبيت حد هيكون مهم بالنسبالي فمقدرش استغنى عنه أو عن شغلي وانا شايفة أن شريك الحياة هو اكتر حد لازم يكون داعم ليا في اي حاجة بعملها فمش المفروض أنه يقف قصاد حلمي اللي بسعى ليه من سنين، فلازم شريك حياتي يبقى فاهم طبيعة شغلي ويدعمني فيه لاني ولا هقدر استغنى عن ده او ده.

ملك زاهر تشارك في مؤتمر حول تطوير التعليم على احدى المنصات التوعوية

ملك أحمد زاهر: لازم اللي ارتبط بيه يكون داعم ليا في شغلي

ملك أحمد زاهر في رمضان 2024 

من ناحية أخرى، تحضر الفنانة ملك أحمد زاهر في الفترة الحالية للمشاركة في سباق مسلسلات رمضان 2024، وذلك من خلال مسلسل محارب والذي يخوض بطولته إلى جانبها كلا من النجوم نيرمين الفقي وأحمد زاهر و وماجد المصري و محمود يس جونيور، وتلعب فيه ناهد دور فتاة شعبية، ويظهر ماجد المصري خلال أحداث مسلسل محارب بشخصية سائق ميكروباص تمر حياته بالعديد من الأزمات، وتدور أحداثه في إطار إجتماعي كوميدي أكشن.