فرح الزاهد: السوشيال ميديا بتجيب اكتئاب والممثل القوي بيتحكم في مشاعره

فجرت الفنانة الشابة فرح الزاهد، عدة تصريحات حول السوشيال ميديا ومشاركتها في فيلم عصابة عظيمة بطولة إسعاد يونس، وذلك خلال لقاءها في برنامج الستات.

فرح الزاهد في برنامج الستات

وقالت فرح الزاهد في تصريحات يرصدها تحيا مصر: السوشيال ميديا بتجيب اكتئاب، وعلى الرغم من إنه في أوقات بنتستفاد منها، لكن فيه أوقات بتجيب اكتئاب فظيع، ومفيش حد بيحب ينشر بوست عن الفشل بتاعه، ولذلك بتشوفي كل الناس ناجحة، والناس بتقيس على ده حياتها، وأنا حتى معنديش فيس بوك.. عندي انستجرام بس.

تصريحات فرح الزاهد 

وتابعت: أنا دايمًا بشوف عيوبي، وفي فيلم شوجر دادي أول تجربة سينمائية ليا الناس اتبسطت وقالوا لي أنتي كنتي حلوة ولذيذة لكن أنا شفت حاجات الناس ما شافتهاش، ومش بحب اسمع المجاملات، بدور على الحاجة اللي مش مظبوطة وأظبطها، واتعلمت من أخطائي في شوجر دادي في عصابة عظيمة، وأهلي أعجبوا جدًا بأدائي، وسألتهم عن الحاجة اللي مش عاجباهم وأنا راضية عن نفسي في الفيلم، واكتشفت أني بحب أعطي أوي. 

وأضافت: اتعلمت أن الممثلين الضعاف بيدوا مشاعر كتير أوي في مشهد، والممثل القوي بيتحكم في مشاعره، وده اتعلمته من إسعاد يونس، وفي مشهد ماستر سين بيني وبين كريم عفيفي ده ممكن أعيط فيه من أوله لآخره، لكن المخرج وائل إحسان قالي سيطري واكتمي العياط، ولما عملت كده الناس قالوا طلع أحلى من لو كنت عيطت فيه من أوله لآخره.

أفلام عيد الفطر 2024.. هنا الزاهد وهشام ماجد من كواليس فيلم فاصل من اللحظات اللذيذة

هنا الزاهد في آخر عروض مسرحية تيت: مبسوطة اني واقفت قدام فناني الكوميدي المفضل أحمد حلمي

هذا وقالت فرح الزاهد خلال لقائها بموقع تحيا مصر على هامش العرض الخاص لـ فيلم البطة الصفرا: تجربة الفيلم جميلة استمتعنا بالعمل فيها، والكواليس كانت كويسة جدا، وكل القائمين على العمل قلبهم ابيض ومساعدين جدا معانا.

وتابعت: شخصية لذيذة والفيلم جميل وبجسد دور كوميدي لايت، وذكرياتي مع البطة الصفرا إنها كانت بتتحطلي في البانيو.

وأضافت: بحب غادة عادل جدا وإني أكون معاها في الفيلم كنت مبسوطة جدا، هي طيبة وأنا ممنونة للبطة الصفرا انها خلتني أتعامل مع نجوم زيهم.

فرح الزاهد تتألق في فيلم البطة الصفرا

وفيلم البطة الصفرا يشارك في بطولته عدد من نجوم الفن من بينهم غادة عادل، ومحمد عبد الرحمن، ومحمود حافظ، وفرح الزاهد، وإبرام سمير، وحسن أبو الروس، وأحمد طلعت، ويشارك صلاح عبدالله وسامي مغاوري وعمرو رمزي كضيوف شرف، قصة وسيناريو وحوار محمود عزت، ومن إنتاج رامي السكري، وإخراج عصام نصار.

وتدور أحداث الفيلم حول أحمد وفيق، باحث أكاديمي رصين في علم النفس يضطر في بحثه الذي يعتمد عليه للحصول على ترقية كبيرة، أن يلازم رشا المسجلة خطر؛ ليتعرف عن قرب عن حياتها، فيتورط معها في مغامرة كبيرة تغّير أفكاره عن موضوع بحثه وعن حياته كلها.