كزبرة: أول فرصة كنت قدها وفيلمي بقى من أعلى الإيرادات

تحدث مطرب المهرجانات كزبرة عن أمنيته في دخول مجال التمثيل، وذلك من خلال حسابه الرسمي بموقع تبادل الصور والفيديوهات القصيرة إنستجرام.

كزبرة يتحدث عن حلمه في التمثيل

وقال كزبرة في منشوره الذي يرصده تحيا مصر: من صغري كان نفسي آخد فرصة تمثيل وكانت بتتأخر عشان ربنا شايلي الأحسن والأفضل ليا والحمد لله الفرصة جت والحمد لله بتوفيق ربنا الواحد.

كزبرة يوجه رسالة شكر لطارق الجنايني

وأضاف كزبرة: كنت قدها وأول فيلم ليا بقى من أعلى إيرادات السينما المصرية، والفضل بعد ربنا يرجع للناس اللي دخلت الفيلم، وأنا بشكر كل واحد فيكم من كل قلبي، ويا رب نفضل دايما عند حسن ظنكم وثانيا أنا بشكر أستاذ طارق الجنايني.

وتابع كزبرة: طارق الجنايني صاحب الفضل عليا بعد ربنا لأنه شاف فيا موهبة ودعمني من كل قلبه، وتاني حاجة على المخاطرة الكبيرة وثقته في شباب لسه طالعة وأغلبيتهم كان أول مرة يمثل بجد، أنت أفضل وأشطر الناس اللي شوفتها وتستاهل الخير كله وطبعا بشكر أستاذ روؤف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإنه قدر يحتوينا ويثق في موهبتنا.

تصريحات كزبرة 

واستطرد: وطبعا بشكر أخويا وحبيبي أستاذ إياد صالح القلم الجارح على الفيلم الحقيقي والورق الجميل اللي يعيش مع الناس والرسالة الحلوة اللي وصلتها من الفيلم وطبعا أي حد اشتغل في الفيلم، أنا بشكره من كل قلبي، وأخيرًا إخواتي الحريفة أنا طبعا مهما أتكلم مش هعرف أعبر عن حبي ليكم وهفضل طول عمري فخور إني اشتغلت معاكم، وفخور أن النجاح ده أنا شوفته معاكم أنتم وليا الشرف إني كنت جزء بسيط من العمل ده وأخيرا استنوا الجزء التاني.

وسبق وكتب عن دوره في الحريفة: أحمد حمدي حتة  بيمسي علي اخواته الحريفة، كنت عايز اقولكم اني بجد كسبت اخوات بجد وربنا يخليكوا ليا ومبسوط اوي ان كنت جزء من العمل معاكم واتعلمت منكوا حاجات كتير وعمري بجد مهنساكوا عشان انتوا احلي حاجة حصلتلي في حياتي  وبشكر ربنا علي ان خطوة نجاحي وتحقيق حلمي كانت معاكم يا أشطر رجالة في الدنيا.

واضاف كزبرة، شكرا لاستاذ طارق الجنايني علي وقفتك جنبي بجد انت اخويا الكبير واستاذي وأبويا ويشكر استاذ روؤف السيد سفاح المخرجين علي كل اللي عملته معايا علي الشخصية والمساحة اللي كنت سيبهالي عشان اطلع اللي عندي وشكرا لأستاذ اياد صالح علي السيناريو الجامد وعلي دور حتة ياحلي قلم حامي وشكرا لفريدة فؤاد اجمد استايلست في مصر بجد على اللبس الفاجر.

بيكتبوله كلام حب وبيبعتوله فيديوهات على التيك توك.. ماذا تفعل المعجبات مع كزبرة؟

من أجل التمثيل.. كزبرة يغير اسمه إلى أحمد بحر

واختتم كزبرة حديثه، قائلا: بشكر احلي بندق اخويا الكبير علي نصايحك  وشكر لاحلي مدير تصوير ميخا العالمي وشكرا لأحلي يارا العشري ملكة الماركتنج وشكرا لكل الناس انا مش عايز انسي حد بس والله ربنا يخليكوا ليا  وشكرا لاخويا وحبيبي نجم الشباك الاول نور النبوي.