رامي جمال عن المطرب النقاش: مكنتش مستني من وراه فلوس

علق الفنان رامي جمال، على تهنئته للفنان تامر حسني على أغنيته الجديدة التي طرحها في نفس توقيت طرح جمال أغنية بقيس بيكي الجمال، كما فجر عدة تصريحات.

رامي جمال يعلق على تهنئته للنجم تامر حسني 

وقال رامي جمال، في تصريحات تلفزيونية يرصدها تحيا مصر: مين له في رزقي إيه؟ إني أبارك لتامر حسني أو أي فنان زميل؟ أنا ببارك على عمل عجبني، وبقوله متزعلش يا تامر.

تصريحات رامي جمال عن زوجته

وتابع: ناريمان مراتي مبتزنش في أي حاجة خالص، أنا اللي اخترت ليها الأغنية وقررت أغنيها معاها.

وعن المطرب النقاش، قال: أحمد في الوقت اللي قررت فيه أنتج له كان هو مضى مع حد تاني، وأنا صعب أبدأ معاه وهو مضى مع حد تاني، ربنا يبارك له وأنا مكنتش مستني من وراه فلوس أنا كنت هصرف فلوس، وهو مكنش مرتاح ليا في الوقت اللي أنا كنت متحمس له، وقرر وهو معايا يتعاقد مع حد تاني، ودي حاجة لا تعيبه وربنا يكرمه.

واستطرد، عندي ألبوم في العيد وكنت محتاجه يكون في الشتاء وأعكنن عليكم، ولسة بادئ الإنتاج فبجرب، والشعب العربي شعب حساس والأغاني الدراما عبارة عن حكايات حصلت ودايمًا ليها وجود في قلب الجمهور وبندوس على الجرح، والحمد لله شوفت رد الفعل حلو أوي وأنا لسة طماع في حاجات كتير.

رامي جمال يشيد بأغنية موضوع رجوعنا لتامر حسني: أغنية خطيرة.. أبدعتوا

بالصور.. تفاعل الجمهور مع رامي جمال وهارموني ورزان مغربي عند سفح الأهرامات

وتألق رامي جمال مؤخرًا بأغنية كلمة سلام من كلمات الشاعر الغنائي محمد جمعة، وتوزيع أدهم دهيمة وإلهامي دهيمة، وميكس وماستر احمد حسام، والأغنية من ألحان رامي جمال، وتقول كلمات الأغنية:

كلمات أغنية كلمة سلام رامي جمال

كلمة سلام دي ماتقولهاش
وبلاش تسيبني حبيبي بلاش
أنا لسه عايزك بتكلم
اسمعني مرة متستقواش
كلمة سلام دي ماتقولهاش
وبلاش تسيبني حبيبي بلاش
أنا لسه عايزك بتكلم
اسمعني مرة متستقواش

إيه جرالك إيه
حبيبي قولي مالك أنت قولي زعلان ليه
وحصل إيه
حبيبي ده أنت لو تسيبني ليلة هعمل إيه
وأعيش ليه
دي حكايتنا وحياتنا ميخلصوش بسلام
إيه جرالك إيه
حبيبي قولي مالك أنت قولي زعلان ليه
وحصل إيه
حبيبي ده أنت لو تسيبني ليلة هعمل إيه
وأعيش ليه
دي حكايتنا وحياتنا ميخلصوش بسلام

أول معاد ما ترتبلوش
يبقى الأخير متحددلوش
ويا رب ما تخليني أبعد
وكمان حبيبي متبعدهوش
إيه جرالك إيه
حبيبي قولي مالك أنت قولي زعلان ليه
وحصل إيه
حبيبي ده أنت لو تسيبني ليلة هعمل إيه
وأعيش ليه
دي حكايتنا وحياتنا ميخلصوش بسلام
إيه جرالك إيه
حبيبي قولي مالك أنت قولي زعلان ليه
وحصل إيه
حبيبي ده أنت لو تسيبني ليلة هعمل إيه
وأعيش ليه
دي حكايتنا وحياتنا ميخلصوش بسلام

كلمة سلام دي ماتقولهاش
وبلاش تسيبني حبيبي بلاش
أنا لسه عايزك بتكلم
اسمعني مرة متستقواش
كلمة سلام دي ماتقولهاش
وبلاش تسيبني حبيبي بلاش
أنا لسه عايزك بتكلم
اسمعني مرة متستقواش