في عيد ميلادها| تعرف على تفاصيل أزمة حنان مطاوع الصحية.. وقصة أخواتها الأجانب

يحل اليوم الجمعة الموافق 23 من شهر فبراير عيد ميلاد الفنانة حنان مطاوع، تلك النجمة الساطعة في سماء الفن، بأعمالها الفنية الناجحة الغنية عن التعريف، ولكن في حياة هذه النجمة المتألقة قصص وحكايات خفية قد يجهلها عدد كبير من الجمهور والمتابعين في مصر والوطن العربي عنها، لذلك سيرصد موقع تحيا مصر تفاصيل عدة قصة خفية من حياتها بمناسبة حلول عيد ميلادها اليوم الجمعة.

أشقاء حنان مطاوع الأجانب

قد يجهل عدد كبير من الجمهور والمتابعين بأن حنان مطاوع لديها أشقاء أجانب يحملون الجنسية الإيطالية، وهي بنفسها تحدثت عنهم في لقاء تلفزيوني سابق لها مع الإعلامية منى الشاذلي، وقالت حنان مطاوع: فكرة أنه يبقى عندي أخوات أجانب فكرة لطيفة، هما ناطقين بالانجليزية مش بالعربية، عادل مش بيعرف يتكلم غير إنجلش وإيطالي، فبنتواصل بالإنجلش، وكريم مش بيعرف يتكلم خالص غير إيطالي فبنتكلم باللمس، وهما مامتهم إيطالية بابا كان في البعثة بتاعته قبل ما يتجوز ماما بسنين اتجوز واحدة إيطالية وخلف منها عادل وكريم وجم قعدوا تقريبا سنة هنا وسافروا وهما عندهم سنة لإيطاليا وهما عايشين في روما، روحتلهم مرتين وهما جم كتير، وهما الاتنين شبه بابا بس هما الاتنين مش شبه بعض بالرغم من أنهم توأم.

أزمة حنان مطاوع الصحية

وأيضًا من الأمور التي قد لا يعرفها عدد من الجمهور المصري والعربي عن الفنانة حنان مطاوع هو تعرضها لوعكة صحية خطيرة أدت إلى خضوعها لعملية جراحية، وقالت حنان مطاوع عن تلك الوعكة في لقاء تلفزيوني سابق لها: قبل عملية الغدة الدرقية اتشخصت غلط، ففي الآشعة الموضوع تضخم وخد منحنى تاني واتقال حاجات ومكناش لسه روحنا لدكتور ولا لجراح، بس كنا خلاص دخلنا دوامة الوهم أنا وجوزي ومبقناش عارفين نعمل ايه، وارتبكت جدا لدرجة أني عملت مسح ذري، ودخلت في حتة تانية.

حنان مطاوع وجومانا مراد الأبرز.. الاسود يسيطر على اطلالات نجمات الفن في حفل دير جيست

مسبتهاش ولا لحظة.. حنان مطاوع تدعم ريهام عبد الغفور في جنازة والدها

تفاصيل مرض حنان مطاوع

وتابعت حنان مطاوع: المرض ابتدى بضيق تنفس وصوتي لما كان يتشرخ بسبب دور برد مكانش بيرجع، يعني يقعد 4 شهور عشان يرجع، وأنا مش عارفة ليه، والحقيقة رقبتي كانت تخنت أوي، ولما روحت عملت سونار دخلوني في نفق مظلم ثم وهم، وقالولي عندك ورم، ومبقتش شايفة أي حاجة في الدنيا غير أماليا، وجوزي كان بيعيط وقولتله خلاص هو أنا كدا بموت؟!، هي كانت تجربة وحشة أوي، وتجربة المسح الذري قالولي فيها متروحيش ومتناميش جمب بنتك النهاردة، وكنت طول الوقت بحمد ربنا، وكنت متمنية أني أعيش عشان أكون معاها، وقبل ما أدخل العمليات قولت وصيتي، وأنا كاتبة وصيتي من وأنا صغيرة بس بجددها كل فترة عشان بيحصل طارئ جديد.