نور هشام سليم ينهار باكيًا: مينفعش ننسى اللي بيحصل في فلسطين

انهار نور، نجل الفنان الراحل هشام سليم من البكاء بسبب ما يحدث في فلسطين وما يتعرض له شعبها على يد جيش الاحتلال منذ شهور طويلة.

نجل هشام سليم يوجه رسالة لمتابعيه بشأن فلسطين

ونشر نور هشام سليم، مقطع فيديو له عبر حسابه الشخصي بموقع تبادل الصور الفيديوهات القصيرة إنستجرام يرصده تحيا مصر، وقال: إحنا مينفعش ننسى اللى بيحصل في فلسطين، أنا عارف إن حياتنا ماشية، ومفيش أي مشكلة عندنا أكل ومياه وعندنا بيوتنا وكل حاجة تمام.

نور هشام سليم يعرب عن حزنه بشأن فلسطين

وأضاف نور هشام سليم: إحنا كل يوم نفكر في اللى بيحصل ده إحنا مينفعش ننسى ونعيش حياتنا عادي أنا مش عارف أعيش حياتي عادي، كل ما آكل بزعل كل ما بنام في سريري بزعل ومش عارف أنام من اللي بشوفه.. وقاعد بفكر في العيال اللي بتموت كل يوم ومش قادر نعمل حاجة، قلبي وجعني ومش قادر أتكلم من الزعل، والمصريين مافيش في جدعنتهم.

نور هشام سليم يرد على منتقديه

وكان علق نور على تحوله قائلًا: اللي راضي بيا ومش راضي بملك الكاشف يبقي منافق، اللي راضي بيا ومش راضي بسارة حجازي يبقي منافق.. واللى هيجي يقول لا أصل دا الدين ودا الإسلام، لا دا دينك أنت وحياتك أنت، وبراحتك تفكر بطريقتك بس متفرضش دينك عليا أو على سارة أو على ملك.

وتابع نور: أنا زي زي سارة حجازي، واللي مش راضي بيها مش راضي بيا، واللي مش راضي بيها مش عاوزه عندي... ما حصل مع سارة حجازي المنتحرة وأيضا ملك الكاشف المتحولة جنسيا هتقولوا عليا كدا لما أموت؟ عادي مش فارقلي، بس لو أنت بتشرب وبتزني وبتحشش.

تزامنًا مع عيد الحب.. ليلى علوي: الحب كبير هو فلسطين وغزة

في ذكرى ميلاد هشام سليم.. تعرف على قصة حبس ابنته بسبب ياسمين عبد العزيز

وأضاف: فين الإنسانية يا جماعة، اللي هيجي يقول لا أصل انت عادى بس المثليين والمثليات حرام.. كما أكد أنه لم يكن لديه أي خلل هرموني عند تحوله جنسيا.. هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا أنا قدام ربنا اللي عملته دا غلط".

واستطرد، احنا بني آدمين يا جماعة، الجريمة بتاعتها ايه؟ إنها بتحب البنات؟ أنتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا”.