خاص| مريم أحمدي: الرقابة على الأعمال الفنية لازم تخف.. ودلوقتي الستات بقت تاخد مناصب مكانتش بتاخدها زمان

تحدثت المخرجة مريم أحمدي عن وجود السيدات في مجال الإخراج، ومدى صعوبة ذلك عليهن.

مريم أحمدي: مهنة الإخراج مبقاتش صعبة على الستات زي الأول

وقالت مريم أحمدي خلال حوارها لموقع تحيا مصر: مهنة الإخراج مبقاتش صعبة على الستات زي الأول، دلوقتي الفكر دا اتغير والستات بقيت تاخد منصاب مش بس كمخرجات حتى في مهن ومجالات أخرى، ودا كان فكر مجتمعي في فترة من الفترات اتغير لأنه بقينا نتقبل فكرة أنه الست تبقى في مجال ذكوري.

وتابعت: وفي مجال السينما مكانش فيه بطولات نسائية زي دلوقتي، مهنة الإخراج أصعب على الستات من أي مهنة تانية لأن فيها جهد جسدي وفكري وعدد ساعات شغل كتيرة على الستات ولكن لو حد حابب ومصدق حاجة مش بيبقى شايفها بشكل صعب.

رأي مريم أحمدي في الرقابة على الأعمال الفنية

وفي اللقاء ذاته، كشفت مريم أحمدي عن رأيها في الرقابة على الأعمال الفنية، فقالت: وجود المنصات خلى اختيار المشاريع مختلفة وفيها حرية أكتر لأنها أقرب لمشاريع السينما ورأيي الشخصي أنه لو مفيش شيء مبتذل ولو بتتكلمي عن موضوع موجود وحقيقي ومصدقاه ووارد يكون حواليكي في حياتك اليومية فأنا مش بشوف دا طرح مواضيع جريئة على اد ماهو موجود فمينفعش ننكر وجوده، وطريقة طرحه دا اللي ممكن نختلف عليه، وتدخل الرقابة في المشاريع الفنية لازم يخف ويبقى مش موجود.

تفاصيل مسلسل جولة أخيرة

ومن الجدير بالذكر أن مسلسل جولة أخيرة تم عرض 9 حلقات منه عبر منصة أمازون برايم، وتدور أحداثه في إطار درامي تشويقي عن دكتور يحيى الذي يقرر العودة للعب رياضة الـ MMA رغم تخطيه سن الأربعين، وإصابته بمرض الزهايمر، فيخوض تجربة صعبة مليئة بالعقبات في رحلة وصوله، وظل العمل متصدرًا حديث الناس عبر منصات التواصل الاجتماعي طوال فترة عرضه.

مقالب النجوم وطبخ أشرف عبد الباقي.. مريم أحمدي تكشف لقطات طريفة من كواليس مسلسل جولة أخيرة

خاص| مريم أحمدي: أحمد السقا مبسوط بمسلسل جولة أخيرة.. ومعنديش مشكلة في تدخلات النجوم بشرط

ويشارك في بطولة المسلسل عدد كبير من النجوم والنجمات، منهم: أحمد السقا، أشرف عبد الباقي، رشدي الشامي، صفاء الطوخي، أسماء أبو اليزيد، حنان سليمان، علي صبحي، وغيرهم، والمسلسل من تأليف أحمد ندا، وإخراج مريم أحمدي.