جزء من قلبي اتخلع بعد اعتزال الزعيم.. أبرز تصريحات يسرا

حلت الفنانة يسرا ضيفة على قناة LBC والتي كشفت خلاله العديد من التصريحات الخاصة بحياتها الشخصية والفنية، والتي من المقرر أن يرصدها موقع تحيا مصر خلال التقرير الآتي، حيث كشفت عن رأيها في عدد كبير من الأشياء من بينهم اعتزال الزعيم عادل إمام.

أبرز تصريحات يسرا الإذاعية

• رحلتي مكانتش سهلة وفيها صعوبات ونجاحات وفشل وثغرات وصعود وهبوط كتير أوي.
• سعيدة بالنتاج الأخير اللي أنا فيه النهاردة وحاسة إني مشقتش على الفاضي.
• الصداقة الحقيقية ضهر وسند وانتي اللي بتختاريه مش مفروض عليكي.
• أنا غنية بصحابي وبمساندتهم ليا لأني عشت معاهم أكتر ما عيشت في البيت.
• حتة من قلبي اتخلعت بعد اعتزال الزعيم عادل إمام متصورتش في يوم إنه يعتزل لأنه عاش للفن وعمري ما تصورت إنه يبعد عننا.
• عادل إمام عاش علشان حب الجمهور ده، والتكريم اتعمل له بصورة حلوة وكلنا اتأثرنا.
• عمري ما هنسى لما أستاذ عصام إمام قالي من 20 سنة، هعملك مسرحية وهسميكي الزعيمة، قولتله لأ مفيش زعيم غير أستاذ عادل.
• أنا ولبلبة دايمًا بنروح نشوف عادل إمام، وأنا بفرح بقاعدتي معاه وبنقعد نتكلم على كل الشغل وبيضحك ويهزر.
• اختياراتي الفنية كانت ساذجة ويوسف شاهين علمني أشتغل صح.

يسرا في برنامج بصمة 

من ناحية أخرى، تستعد الفنانة يسرا للحلول ضيفة على برنامج بصمة والذي يتم إذاعته على قناة الشرق ومن المقرر طرح أولى حلقات البرنامج في مساء اليوم الاثنين الموافق 12 من شهر فبراير، وتكشف يسرا خلال البرنامج العديد من التصريحات الهامة والأسرار الخاص بحياتها الشخصية والفنية، حيث ظهرت في البرومو وهي تتحدث عن والدها قائلة: أول لما قولت لابويا عايزة أمثل جري ورايا بالسكينة وقالي معنديش بنات تدخل التمثيل ولسة لحد دلوقتي في ندبة في ضهري منه، لكن أنا حاولت أقنعه وقولتله إي يعني لو دخلت وبقيت معايا في كل حاجة.

وتابعت: وأقنعت والدي بقى يجي معايا في كل الاتفاقات وهو اللي كان بيمضي العقود وكل حاجة، وأول ما بدأت عملت جلسة تصوير وكان الاستاذ ضياء المهدي هو اللي صورني 4 صور أبيض وأسود ونزلوا أخبا أنه في وجه جديد.

يسرا: أول ما قولت لوالدي عايزة أمثل جري ورايا بالسكينة وعندي ندبة في ضهري منها

حكايات تروى لأول مرة.. يسرا ضيفة على برنامج بصمة غدا

اخر أعمال يسرا 

ويذكر، أنه يعرض للفنانة يسرا في الفترة الحالية فيلم ليلة العيد والذي تشارك به إلى جانب كلا من النجوم غادة عادل وريهام عبد الغفور وياسمين صبري ونجلاء بدر وعبير صبري وهنادي مهنا وعدد آخر من نجوم الفن، ولم يحقق العمل نجاحات كبيرة رغم القضية الهامة والمؤثرة الذي يناقشها.