مع اقترابه بلوغ السبعين.. محمود عامر يحتفل بزفافه

احتفل الفنان المصري محمود عامر بزفافه على الدكتورة رشا فرج مساء أمس السبت الموافق 10 فبراير، فى حفل بسيط حضره الأهل والأصدقاء.

عقد قران محمود عامر 

ونشر عامر عدة صور من عقد القران عبر حسابه الرسمي بموقع التواصل الاجتماعى فيس بوك يرصدها تحيا مصر، وعلق قائلًا: الحمد لله والشكر لله على كل شيء، تم بالأمس عقد القران والزفاف على الدكتوره رشا فرج.

محمود عامر يروي موقف زعجه

من جانبه، كتب محمود عامر: مجرد استفسار.. تعمل ايه بعد العمر ده كله وأنت بتعمل أوديشن  لمسلسل ما، والأخ اللي بيصورك يقولك أنت واخد ورشة عند مين ؟.

وتابع، ولاحول ولاقوة إلا بالله العلي العظيم ربنا يصبر قلوبنا جميعا وبرغم كل شيء بكره أحلى بإذن الله.

وروى محمود عامر الموقف قائلًا: الموقف دا وجعني وجع السنين وكتبته على صفحتي لأنه حصل معايا، الأجيال مش متواصلة أولا وفي شباب معذورة مش عارفين لكن الاوديشن في أوربا في بلاد الفرنجة لو بيعمل اوديشن بيجيب الممثل لو بيعمل دور س بيجيب فيه ٣ ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده.

وتابع : إحنا عندنا بقي في الكاستينج دايركتور بيجيبوا مساعد تالت أو رابع الا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه أنا مرة اشتغلت في مسلسل لبناني كان المخرج قاعد ذات نفسه رغم اني كنت عامل تلت مشاهد.

اختتم قائلًا: لما روحت عملت الاوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قلتلوا اااه وروحت رايح ناحيه الباب ولا قولتلوا حاجة، وأنا واثق أنه اكيد قال دا اكيد مجنون ولا جراله حاجة، المواقف دي بتوجع.

محمود عامر يتألق في مسلسل أعمل ايه

وقال محمود عامر عن شخصيته في مسلسل اعمل ايه خلال حوار سابق له ببرنامج الستات ميعرفوش يكدبوا: معظم اللي بيتفرجوا على المسلسل بيبعتولي على الخاص ويقولولي أستاذ محمود هو شاهين عمل ايه وهيحصله ايه، لدرجة أن الشخصية نفسها معلقة معاهم وعايزين يعرفوا الراجل دا هيحصلوا ايه، ويعد مسلسل “أعمل ايه” بطولة ندى بسيوني، طارق عبد العزيز، سامية الطرابلسي، دنيا المصري، محمد مهران، نهال عنبر، نور إيهاب، صبري عبدالمنعم، أيمن عزب، ريهام الشنواني، حمدي هيكل، مفيد عاشور، أحمد جمال سعيد، محمود الشرقاوي، وغيرهم من النجوم.

لقطات من حفل زفاف عفروتو على فتاة من خارج الوسط الفني| صور

الصور الاولى من حفل زفاف الفنان الشاب أحمد عبد الحميد على فتاة من خارج الوسط

وتابع محمود عامر، أنا حتى نفسي كممثل سألت طب الراجل دا ايه موقف القانون منه، هو فاضل 4 أيام ومازالوا بيتصوروا، والكل تعاطف مع الشخصية وفي الآخر القانون بيحكم.

وأضاف، زوجتى مساندة ليا في مشواري الفني، أنا مأجبرتش ولادي على دخول مجال الفن وبما أن الأب ممثل والأم ممثلة فأكيد الجينات هتبقى واحدة.

واستطرد، والمشاهد أو المتلقي لو معجبوش اللي بتقدميه الله في سماه لو دفعتيلوا فلوس الكون مش هيطيقك بردو لكن لما ربنا بيديكي منحة من عنده بتوصل للمتلقي من غير ما حد يخبط.