إيمي سمير غانم: بابا مكنش عنده مشاكل مع حد.. وزوجها: مأثر في أجيال كتير

تحدث الفنان حسن الرداد وزوجته النجمة إيمي سمير غانم عن الراحل سمير غانم، وذلك خلال المؤتمر الصحفي على هامش فعاليات مهرجان الأقصر للسينما الإفريقية.

حسن الرداد يتذكر حماه سمير غانم 

وقال حسن الرداد في تصريحات يرصدها تحيا مصر: سمير غانم بغض النظر أنه حمايا، هو أسطورة كبيرة من الكوميديا وعامود من الاعمدة اللي شالت السينما على كتافها، وسمير كان له مدرسة كبيرة في الكوميديا ومدرسة الارتجال اللي كان الأول فيها.

وتابع، وكان يبان إنه بيعمل حاجة بسيطة ولكنها في غاية الصعوبة، وكانت كوميديا راقية وتليق بكل الناس، وعنده قدرة لو عمل مشهد واحد في فيلم ممكن تنسى الفيلم كله بس تفضل فاكر مشهده هو، زي في فيلم عالم عيال عيال، كان بيحكيلي إن رشدي أباظة كان بيموت على نفسه من الضحك ويعيديوا المشهد كتير، وكان ليا حظ إني اشتغلت معاه.

وأضاف حسن الرداد، اتعلمت منه حاجات كتيرة زي قد إيه مهم إنك تكون صادق مع الناس وتكون مكبر دماغك، وبتقدم حاجات حلوة وتفضل باقية مع الناس وده شوفناه فعلا الحب الكبير له عند الناس، هو مأثر في أجيال كتير جدا وتحس كل واحد فينا جواه سمير غانم صغير، عشان اتربينا على حاجاته وهو متوغل جوانا كلنا.

تصريحات إيمي سمير غانم عن والدها

فيما قالت إيمي سمير غانم عن والدها: هو فعلا كان معندوش مشاكل مع حد وأنا ودنيا ومامي واخدينها عنه الحتة دي، مش بنعمل مشاكل حتى لو حد بيأذينا مش بنرجع نرد أو نقول حاجة، وبسمع كتير لحد دلوقتي حب الناس وكل الأجيال بتفضل تدعيله وإنه أجمد كوميديان، وأنا كدة كدة فخورة وبابايا عندي حاجة كبيرة أوي.

لأمانته.. إيمي سمير غانم وحسن الرداد يكرمان سائق تاكسي

كل سنة وانت طيب يا أجمل زوج وأحن أب.. إيمي سمير غانم تهنئ حسن الرداد بعيد ميلاده

شقيقة سمير غانم تحيي ذكرى رحيله

وكانت كتبت شقيقة سمير غانم عبر حسابها الرسمي بموقع التواصل الاجتماعي فيسبوك: أخى وحبيبى حزنت القلوب بوفاة من نحب وبكت العيون لفراقهم ومازالت النفس تشتاق لهم ولكن نؤمن بقضاء الله وقدره ولن ننساهم من الدعاء.

وتابعت، اللهم نسألك أن تجعل من فقدناهم في أرقى مراتب الجنان منعمين، اللهم آنس وحشتهم ونفس كربتهم وقهم عذاب القبر وفتنته، يارب اللهم أجرهم من حر جهنم وارزقهم جنات النعيم اللهم اغفر لمن غابوا عن الدنيا وارحمهم واحشرهم في زمرة نبيك محمد عليه الصلاة والسلام واجعل ملتقانا بهم الفردوس الأعلى من الجنة يارب العالمين، انقطع عملهم ونحن أملهم فلا تقطعوا عنهم الدعاء.

وقال الإعلامي رامي رضوان، في الذكرى الثانية لوفاة الفنان الراحل  سمير غانم، إن سيرته باقية بكل الخير، وأنه ضحكة مصر والوطن العربي ولما سيرته بتيجي بنبتسم وبنفتكر «إفيهاته» على المسرح.

وأضاف خلال تقديم برنامجه «مساء دي إم سي»، المذاع عبر قناة «دي إم سي»، أن شهادته مجروحة في سمير غانم لكنها شهادة الملايين في مصر والوطن العربي، وتربينا على أعماله وفوازير فطوطة والأفلام والمسرحيات والمسلسلات وأصبح جزءا كبيرا من قاموسنا مبني على «إفيهات» سمير غانم.