آمال ماهر عن شائعات اختطافها: اتخضيت على نفسي وأمي كانت متضايقة

تحدثت الفنانة آمال ماهر لأول مرة في لقاء تليفزيوني لها عبر قناة mbc مصر ببرنامج الحكاية، الذي يقدمه الإعلامي عمرو أديب عن شائعة اختطافها التي تصدرت حديث مواقع التواصل الاجتماعي لأيام عديدة، موضحة سبب صمتها عن الرد على تلك الشائعات بشكل فوري وسريع.

آمال ماهر عن شائعة اختطافها: خوف الناس عليا فرحني

وقالت آمال ماهر في تصريحات رصدها موقع تحيا مصر: شائعات اختطافي اللي تصدرت حديث مواقع التواصل الاجتماعي فرحتني لأن ده يدل على حب الناس ولكن بقولهم أنا بخير مفيش أي حاجة خالص ودي كانت مجرد إشاعات زي أي حاجات كتير بتحصل في الوسط.

وعن سبب تأخرها عن توضيح الأمر للجمهور، قالت آمال ماهر: تعبي ومرضي كان مأجل اني أطلع أقول للناس أنا كويسة والاشاعات المرة دي كانت بزيادة.

آمال ماهر عن شائعة اختطافها: اتخضيت على نفس 

وتابعت آمال ماهر كاشفة كواليس الأيام التي مرت بها مع تلك الشائعات، قائلة: اتخضيت على نفسي كنت فاكرة أنه يومين والموضوع هينتهي لقيته عمال يزيد ونزلت صورة لقيت الناس قالت إن الأكونت مش في ايديها، أنا قليلة الظهور على السوشيال ميديا وكنت مريضة جدا مقدرتش أطلع خوفت اطلع بشكلي في الوقت ده يقولوا هي فعلا مخطوفة وطلعت دقيقتين قالوا مش هي ومش في بيتها ، وقرايبي واصحابي كانوا قلقين عليا ومكنوش مصدقني وانا بكلمهم إني بخير خاصة اني كنت تعبانة فقالوا فعلا هي مخطوفة.

وأضافت آمال ماهر:: أي إشاعة فيها إثارة ولغط الناس بتتبسط وبتجري وراها وبتبقى أوفر لكن أنا بخير ومحصليش أي حاجة ولا اتعذبت ولا اتخطفت واللي حصل ده من محبة الناس وقلقهم عليا.

آمال ماهر: فخورة باللي بيحصل في المملكة وبيني وبين تركي آل الشيخ نجاحات كبيرة

في أول لقاء إعلامي لها بعد غياب.. عمرو أديب يستضيف آمال ماهر في برنامج الحكاية

آمال ماهر: قرايبي كانوا بيطلبوا أبعتلهم صوتي عشان يصدقوا اني كويسة

وعن تأثير تلك الشائعات على أسرتها، قالت آمال ماهر: أمي كانت متضايقة وكانت معايا وخايفة قرايبي كانوا بيقولوا ابعتلنا صوتك عشان نطمن عليكي وانا كنت ماشية اشرح للناس اني كويسة وكانوا بيتصلوا بابني يسألوا عليا وانا يقولهم دي كويسة مكنوش بيصدقوا.

وسبق وتحدث امال ماهر عن حب الناس لها بعد أزمتها الأخيرة، قائلة: أنا اتخضيت لدرجة إني دمعت من كتر حب الناس ودا نعمة من ربنا.. وهطلعلكم لايف قريب، وبأكد للجمهور إن الحفلة هنعلن عنها قريب جدا ومش هكون دوبلير، أخف بس وكل حاجة هتبقى تمام.