أكرم حسني ينعي وفاة عمرو رزق رئيس شبكة قنوات ON الأسبق

رحل عن عالمنا صباح اليوم الجعة الموافق 9 فبراير،الإعلامي عمرو رزق رئيس شبكة قنوات ON الأسبق، وتشيع الجنازة عقب صلاة الجمعة في مسجد الرحمن الرحيم، بشارع صلاح سالم.

أكرم حسني يعلق على وفاة عمرو رزق 

وحرص على نعيه الفنان أكرم حسني، حيث كتب عبر حسابه على موقع تبادل الصور والفيديوهات القصيرة إنستجرام في تعليق يرصده تحيا مصر: كنت ديمًا بتقول لسه أجمل يوم ماجاش.. يارب النهارده يكون أجمل أيامك هتوحشني يا عمرو.

محمد نشأت ينعي عمرو رزق

وقال المذيع محمد نشأت: عمرو رزق واحد من كام واحد يدوب اللي اسمهم أسطوات الشغلانة.. عمرو صاحبي.. عمرو جدع راجل بيفهم.. عمرو رزق في ذمة الله.. مع السلامة يا صاحبي وهنكمل كلامنا في الجنة ويمكن ساعتها أكون جايبلك خبر حلو.. إنا لله وإنا إليه راجعون.

تصريحات أكرم حسني 

من جانبه، قال أكرم حسني، في لقائه مع الإعلامي معتز الدمرداش، في برنامجه ضيفي: محمد صلاح حريص في كل رمضان إنه يختار مسلسلين يتفرج عليهم وأعتقد بيبقى فيهم واحد كوميدي، ولاقيته باعتلي على إنستجرام بيقولي أقسم بالله أنت عالمي على مسلسل مكتوب عليا، قولتله لما أنا عالمي أنت تبقى إيه.

وتابع عن تفاصيل تعاونه مع الكينج محمد منير أغنية للي، الكينج هو صديق شخصي من 2013 وكان مشجع جدًا ليا من وأنا بقدم أبو حفيظة، وفي مرة طلب مني أكتب له أغنية وحاولت أشتغل فيها ولكن متوفقتش، والموضوع شاله من دماغه، ولكن كان بيزن في دماغي لغاية ما جه وقت جاتلي فكرة للي، وبعتله قولتله فاكر الطلب بتاع زمان وأتمنى تعجبك، واتكتب في الـ CV بتاعي إني اشتغلت مع واحد من عمالقة الفن المصري اسمه محمد منير.

وأضاف، أنا فخور بكل حاجة عملتها بشكل منفرد، وأنا بحب الموهبة اللي ربنا مديهاني وبحب أوظفها بحيث الناس تتبسط وأنا اتبسط، ومببخلش على نفسي ولا على حد فكرة أن لو في حاجاة أقدر أقدمها إني مش هعملها علشان ميتقالش ده بيعمل كل حاجة.

في ذكرى وفاة محسن سرحان.. سبب انفصاله عن سميحة أيوب

وفاة الشاعر مجدي نجيب وتشييع جثمانه من مسجد السيدة نفيسة عقب صلاة العصر

واستطرد، في وقت من الأوقات مكنتش مكتشف إني بعرف أكتب كلمات أغاني كويس، أنا كنت بعمل ده في نطاق العائلة والأصدقاء، لغاية ما اكتشفت أن هذه الملكة موجودة طيب ليه موظفهاش؟ فبدأت وتطورت من الأغاني الكوميدي الساخر في أبو حفيظة، الأول كنت بعمل محاكاة لأغاني كنت باخد حقوق استغلال ألحان وأكتب عليها كلام، بعد كده بقيت بكتب الكلام من أوله لآخره وبلحنه أو بجيب ملحن، أقصد أن صناعة كتابة الأغاني تطورت عندي.