زينة تكشف سبب عدم ظهور أبنائها على السوشيال ميديا: انتوا مالكم دي حاجة خاصة جدا

تحدثت الفنانة زينة لأول مرة عن سبب عدم ظهور أولادها على السوشيال ميديا، وذلك خلال لقاءها مع برنامج الراديو بيضحك ليه والذي تقدمه الإعلامية فاطمة مصطفى على راديو 9090، مشيرة إلى أنها تخشى عليهم من الحسد.

زينة: بتضايق أما حد يقولي وريني ولاد.. أمن مالك 

وقالت زينة في التصريحات التي رصدها موقع تحيا مصر: بضايق أما حد يقولي ممكن توريني ولادك.. انت مالك هو انا طلبت منك انك توريني ولادك.. دي حاجة خاصة جدا والولاد عموما بيكونوا حساسين من ناحية الحسد وانا ببذل مجهود كبير اوي أن منزلش صورهم.

زينة: بتحرم اني انزل مع ولادي الشارع 

وتابعت زينة حديثها، قائلة: انا بتحرم من حاجات كتير اوي اني أنزل كدة معاهم بخاف حد يصورهم انا بخاف على العيال أوي ودي حرية شخصية انا مبدخلش في حياة الجمهور وهو ليه عندي الشغل مش حياتي الشخصية وأنا بخاف عليهم وده حقي.

وأضافت: كنت في الهلال الأحمر المصري عشان فلسطين وكنت وخداهم معايا عشان اعلمهم، احنا بنروح دار الايتام وعندهم صحاب هناك وبيقولوا عليهم إخواتهم ومبصورش ده، لكن فلسطين والهلال الأحمر كنت عايزة كله يعلم عياله يعني اي فلسطين فضحيت بيهم عشان كدة، الموضوع ده لازم نهتم بيه جدا.

زينة: بقول لعيالي كريستيانو معاه فلوس الدنيا وابنه معهوش تليفون

وتابعت زينة حديثها، قائلة: بربي عيالي على أنهم يكونوا عيال قوية يحسوا بغيرهم ويخافوا على الناس ويسعدوهم، وبجاهد مع عيالي أنهم ميتصوروش غصب عني لأنهم زي أي اطفال عايزين تيك توك سوشيال ميديا وكدة بس انا قولتلهم كريستيانو معاه فلوس الدنيا كلها وابنه معهوش تليفون.

الليلة.. زينة في ضيافة برنامج الراديو بيضحك مع فاطمة مصطفى

في عيد ميلادها| تعرف على قصة بكاء زينة بسبب نور الشريف.. وعلاقة عمرو دياب باسمها الفني

يذكر، أنه يعرض للفنانة زينة في الفترة الحالية فيلم الاسكندراني والذي تخوض بطولته إلى جانب الفنان أحمد العوضي في أولى تجاربه التمثيلية في السينما وحقق العمل نجاحات كبيرة خلال فترة طرحه في دول العرض ويشارك في بطولته أيضا الفنان بيومي فؤاد والفنان عصام السقا ونخبة من نجوم الفن الآخرين وهو من إخراج المخرج الكبير خالد يوسف.