النصيب غلاب.. أحلام عادل تحتفل بخطوبتها على صديقها بعد انفصالها

احتفلت البلوجر المصرية أحلام عادل، بخطوبتها على صديقها المقرب محمد أسامة، وذلك بعد انفصالها عن زوجها ووالد نجلها الوحيد.

خطوبة أحلام عادل 

ونشرت أحلام عادل عدة صورها تجمعها بخطيبها عبر حسابها الرسمي بموقع التواصل الاجتماعي فيسبوك والتي يستعرضها تحيا مصر، وعلقت عليها قائلة: انا مش مصدقه ولا عارفه ولا فاهمه مين دا سبحان الله النصيب غلاب وربنا دايماً شايلنا الاحسن لينا ربنا عالم اد ايه احلام نفسها تعيش مطمنه وف امان جمب شخص يفهمها ويحتويها ويحترمها.

أحلام عادل تدخل في علاقة جديدة بعد انفصالها

وتابعت، الحمد لله الحمد لله 
طول الوقت كنا بنشتغل سوا ونروح ونيجي وكومنتات انتوا لايقين ع بعض ومحدش فينا ركز معاها وفعلا بنبعد وسبحان الله بنلاقي حاجه تجمعنا من تاني بس المره دي واحنا سوا ومش اصحاب ومش بنصور فيديوهات ومش اي حاجه غير اننا مرتبطين محمد الشخص اللي فعلا اتمنيته من ربنا.

وأضافت، انا كنت جعانه حب واحترام وأمان كان من احلامي اني اصحابي واهلي يشوفوني متكرمه ومبسوطه وانا جمب الشخص  اللي بيرضي ربنا فيا 
رجولته ليا مش عليا  شخص بيحب الحياه المستقره البسيطه شبهي ف حاجات كتيرانا حقيقي مبسوطه لدرجه ان كل شويه هاين عليا اتصل اسمع صوته واقفل السكه بس خايفه يقول عليا هبله الحمد لله  الحمد لله بجد♥️.

كما كتب خطيبها محمد أسامة: دنيا ودت ناس وجابت وانتي ثابتة من البداية، في حاجات معينة كدة لازم تنضج قبل ماتحصل عليها، لأنك لو اخدتها بدري هتضيع منك بدري.

واستطرد، أوقات كتير مابنفهمش حكمة ربنا من اللي بيحصلنا بس سبحان الله لطف ربنا دايما هو اللي سابق وحاكم ، بمرور الوقت اكتشفت انها مش مجرد كيميا في الفيديوهات وبس لا دي اكتر روح تشبهك وانت بتدور عليها ومش واخد بالك.. ترتيبات ربنا دايما جايبالنا الخير، روحنا وجينا وروحنا وجينا ودايما سبحان الله الطريق بيجمعنا سوا تاني ، بس المرة دي واحنا بشكل مختلف نتمنا من ربنا يباركلنا فيه طول العمر ويتممهولنا علي خير.

طلاق البلوجر أحلام عادل 

وكانت أعلنت أحلام عادل انفصالها عن زوجها قائلة عبر خاصية القصص القصيرة لحسابها على موقع تبادل الصور والفيديوهات القصيرة إنستغرام: أنا رجعت من العمرة مضروبة ومطلقة عشان جبت مصليات لزمايلي الولاد والبنات، ملحوظة كانت مصلية مش زجاجة خمرة.

ليرد طليقها أحمد العجمي قائلًا: أول مرة أعمل فيديو وأطلع اتكلم فيه، حصل بيني وبين أحلام شد في العمرة، خلاف وشديتها وزقيتها وده مكنش لازم يحصل خالص، لما رجعنا من العمرة صالحتها وكنا كويسين، وبعدين حصل خلاف تاني، وزعلت مني وافتكرت كل اللي كنت بعمله.

كلمتها ومردتش عليها.. الخلافات تتجدد بين البلوجر بطوط ونادية الخولي

طلق مراته بعد ما عيط في حضنها وحب عليها واحدة تانية.. تفاصيل وأسرار صادمة في حياة البلوجر محمد فرج

وتابع أحمد العجمي، أتمنى متزعلش مني والدنيا تروق وتدعولنا بأن ربنا يصلح الحال إن شاء الله، هي سنة أولى جواز فيها شد وكل حاجة، ولسه في طباع وعيلتين بيتعرفوا على بعض، وبنطبع على طباع بعض وربنا ييسر الدنيا، هروح لحد متخصص وأعرف أزاي نتعامل مع بعض ونتفاهم سوا، أدعولنا ربنا يهدينا، الكلمة الكويسة بتفرق.