أبو جبل يكشف السبب وراء تسديده ركلة الجزاء الضائعة أمام الكونغو| شاهد

فجر محمد أبو جبل حارس مرمى البنك الأهلي ومنتخب مصر، مفاجأة عن  تسديده لركلة الجزاء الضائعة خلال مباراة منتخب مصر والكونغو الديمقراطية بأمم إفريقيا.

أبو جبل يكشف حقيقة خلافاته مع الشناوي وتسببه في فشل انتقاله للأهلي| شاهد

أبو جبل يكشف حقيقة تواصل الأهلي معه وتوقيع العقود بمعسكر المنتخب| شاهد

وقال أبو جبل خلال مداخلة هاتفية مع الإعلامي أحمد عبد الباسط  في برنامجه CAN أبيدجان: " اللى حصل إن مكنش إني في الترتيب ده أسدد ركلة الجزاء لكن كابتن المنتخب أحمد حجازي هو من قام بالإشارة له للعب الركلة، وبدوره نفذ توجيه كابتن المنتخب، وبعتذر لكل الناس على إضاعة ركلة الجزاء كنا نفسنا نحقق الأفضل مع المنتخب". 

وتابع  أبو جبل : "الشناوي جون كبير.. الشناوي جون النادي الأهلي الشناوي موجود معايا في المنتخب اظن بقالنا فترة طويلة مع بعض في المنتخب من 2019 للبطولة بتاعت الكاميرون 2021 وفي البطولة دي وخلال المعسكرات في السنين اللى فاتت دي كلها محصلش بيني وبين الشناوي أي خلاف أو اعتراض ، وزي ما بقولك تاني بنبقى 4 حراس مرمى بنبقى موجودين اللى بيمثل تيشيرت منتخب مصر كلنا في ضهره، وبدليل اللى حصل في البطولة اللى فاتت الشناوي لما اتصاب أنا نزلت هو أدى الدور أنا أديت الدور وصبحي لما نزل أدى الدور أي حد موجود هيأدي الدور يمكن وينا وأحسن مننا كمان".

وأضاف أبو جبل: "فأنا اللى عايز أفهمه للناس إنه مفيش أي علاقة خلافات بيني وبين الشناوي خالص نهائي الشناوي جون كبير جون محترم بكن له كل الاحترام وأنا جون معاه في نفس المنتخب واظن إنه هو كمان بيكنلى كل الاحترام لأنه تعاملنا مع بعض كويس جدا ومفيش أي حاجة حصلت ومفيش أي خلاف حصل ولأى كلام من اللى على السوشيال ميديا إنه ده حصل".

وقال أبو جبل :" لم يحدث أي تواصل بيني وبين النادي الأهلي في معسكر منتخب مصر، وبكن له كل الاحترام والتقديم، ولا زي ما بيقولوا أي فرد من اللاعبية او أي فرد من بعثة المنتخب تواصل معي للانتقال للنادي الأهلي، ولو كان ده حصل نادي البنك الأهلي أيضا لم يتواصل معي وده عرفته بعد ما رجعت، وحدث مكاملة بيني وبين رئيس البنك الأهلي، قال لي حدث تواصل مع الأهلي بشأني وأبدوا موافقة مبدأيه لانتقالي للأهلي، وهى كل اللى حصل جس نبض فقط".

وأضاف أبو جبل: " عيب نخوض في ذمم أشخاص محترمين، بتمثل منتخب مصر، وده حابب أوضحه وده في سمعتي وأسماء لاعيبة في المنتخب، ومفيش حد فينا يقدر يكره التاني وده التحالف اللى كان موجود في المنتخب".