أبو جبل يكشف حقيقة خناقته مع كهربا في معسكر المنتخب| شاهد

فجر محمد أبو جبل حارس مرمى البنك الأهلي ومنتخب مصر، مفاجآت عن خلافاته مع محمود كهربا وتدخله في فشل انتقاله للنادي الأهلي في فترة الانتقالات الشتوية الجارية.

أبو جبل يكشف حقيقة تواصل الأهلي معه وتوقيع العقود بمعسكر المنتخب| شاهد

من الحزن عليه| نجم الزمالك يعلن إصابة والدته بجلطة بسبب رحليه

وقال أبو جبل خلال مداخلة هاتفية مع الإعلامي أحمد عبد الباسط  في برنامجه CAN أبيدجان: "مبدأيا كهربا لعب معايا في إنبي من هو وصغير أكتر من 8 سنين مع بعض يعتبر كهربا في الوقت اللى كنت فيه في إنبي أنا كنت اللى مربيه وأنا كنت قبله في الدرجة الأولى وهو كان بيطلع يدرب معانا فأنا اللى مربيه، يعني كهربا العلاقة اللى بينا هو اخويا الصغير في أي حاجة  وبعدين احنا بنلعب كورة وأنا حارس مرمى وهو فرود وهو بيهاجم عليا فيه التحام وزق، وده اللى بيحصل في الكورة، وحصل ما بيني وبين كهربا التحام خفيف بعد ماتش كاب فيردي، ومكنش فيه أي كلام من جانب الأهلي، والتحام عادي.. معلش يا كهربا أنا أسف، كهربا قال خلاص يا جبل عادي، وانا وكهربا ومعظم اللعيبة متجمعين ومبنفكرش في الكلام ده، والموضوع عادي ما خدش لحظة واتقال انه خناقة وإنه هو يدخل ، وعلاقتي بكهربا مفيش أي خلاف معاه وتزاملنا في إنبي والموضوع ميستهلش ده يحصل، والحمد لله يشهد الله إنه عمرى ما حصل مشكلة بيني وبين أي لاعب أو حارس في الدوري المصري".

حقيقة تواصل الأهلي مع أبو جبل

وقال أبو جبل :" لم يحدث أي تواصل بيني وبين النادي الأهلي في معسكر منتخب مصر، وبكن له كل الاحترام والتقديم، ولا زي ما بيقولوا أي فرد من اللاعبية او أي فرد من بعثة المنتخب تواصل معي للانتقال للنادي الأهلي، ولو كان ده حصل نادي البنك الأهلي أيضا لم يتواصل معي وده عرفته بعد ما رجعت، وحدث مكاملة بيني وبين رئيس البنك الأهلي، قال لي حدث تواصل مع الأهلي بشأني وأبدوا موافقة مبدأيه لانتقالي للأهلي، وهى كل اللى حصل جس نبض فقط".

وأضاف أبو جبل: " عيب نخوض في ذمم أشخاص محترمين، بتمثل منتخب مصر، وده حابب أوضحه وده في سمعتي وأسماء لاعيبة في المنتخب، ومفيش حد فينا يقدر يكره التاني وده التحالف اللى كان موجود في المنتخب".

خلافات أبو جبل والشناوي

وقال أبو جبل خلال مداخلة هاتفية مع الإعلامي أحمد عبد الباسط  في برنامجه CAN أبيدجان: "الشناوي جون كبير.. الشناوي جون النادي الأهلي الشناوي موجود معايا في المنتخب اظن بقالنا فترة طويلة مع بعض في المنتخب من 2019 للبطولة بتاعت الكاميرون 2021 وفي البطولة دي وخلال المعسكرات في السنين اللى فاتت دي كلها محصلش بيني وبين الشناوي أي خلاف أو اعتراض ، وزي ما بقولك تاني بنبقى 4 حراس مرمى بنبقى موجودين اللى بيمثل تيشيرت منتخب مصر كلنا في ضهره، وبدليل اللى حصل في البطولة اللى فاتت الشناوي لما اتصاب أنا نزلت هو أدى الدور أنا أديت الدور وصبحي لما نزل أدى الدور أي حد موجود هيأدي الدور يمكن وينا وأحسن مننا كمان".

وأضاف أبو جبل: "فأنا اللى عايز أفهمه للناس إنه مفيش أي علاقة خلافات بيني وبين الشناوي خالص نهائي الشناوي جون كبير جون محترم بكن له كل الاحترام وأنا جون معاه في نفس المنتخب واظن إنه هو كمان بيكنلى كل الاحترام لأنه تعاملنا مع بعض كويس جدا ومفيش أي حاجة حصلت ومفيش أي خلاف حصل ولأى كلام من اللى على السوشيال ميديا إنه ده حصل".