أحمد يونس: نجاحي بفضل دعاء والدتي ومليش في التريندات وببني حياتي على السعي|خاص|

تحدث المذيع والكاتب الشهير أحمد يونس عن تواجده في معرض الكتاب هذا العام بكتابين جديدين أحدهم رعب كعادة كتاباته والآخر مقدم للاطفال، وكشف عن العديد من الأشياء الخاصة بحياته الشخصية عن سر نجاحه وأهم محطة في حياته المهنية وعلاقته بالتريندات وغيرها من التصريحات الجديدة.

أحمد يونس: نجاحي فضل من ربنا ومبسوط باللي وصلتله

وقال أحمد يونس خلال لقاءه بموقع تحيا مصر: السنة اللي فاتت منزلتش معرض الكتاب لكن السنة دي رجعتلكم بحاجة رعب وحاجة للاطفال وانا راضي باللي انا وصلتله ومبسوط بيه جدا الحمدلله واللي جالي احسن من اللي كنت عايزه لأن ربنا كريم جدا.

وعن سر نجاحه، قال أحمد يونس: نجاحي فضل من ربنا ودعوة أمي الله يرحمها ليا.

أحمد يونس: بشوف نفسي مجتهد مش ناجح

وأكد أحمد يونس بأن محطة السعي هي أهم محطة في حياته، حيث قال: أهم محطة في حياتي هي محطة السعي.. أنا طول عمري بسعى ومفيش حاجة اسمها نقف ولازم أسعى  ومثابر وبحاول طول الوقت افضل مجتهد ومش بقول على نفسي ناجح انا بقول على نفسي بني ادم مجتهد بيحاول دايما يقدم حاجة مختلفة وحل محطة في حياتي بتكون مختلفة وأول رواية كتبتها محطة عظيمة.

وكشف عن حبه الشديد للراديو، قائلا: انا مذيع راديو.. ٩٠٪ راديو ووزع الباقي على حاجات كتيرة والراديو ده حياتي وعمري.

أحمد يونس: ماليش في التريندات وببص عليها من بعيد 

وعن علاقته بالتريند، أكد أحمد يونس في حديثه لتحيا مصر: مليش في التريندات ربنا يوفق الجميع لأن فيه حاجات غريبة بتحصل ببص عليها من بعيد بس.

وبسؤاله عن نصيحته للشباب الذين يريدون دخول مجال الإعلام، قال أحمد يونس: البودكاست مش مخلي حد في نفسه حاجة مبقاش حد يبص أنه لازم قناة واستديو والديجتال والحياة البسيطة دي خلت كله يوصل للي هو عايزه.

جناح الأزهر بمعرض الكتاب يناقش كتاب «الإمام الطيب رجل المواقف»

نظرًا لسوء الأحوال الجوية.. تأجيل حفل أحمد سعد في القرية العالمية لهذا الموعد

أحمد يونس يتعرض لحادث مروع

من ناحية أخرى، كان قد تصدر احمد يونس التريند بعد تعرضه لحادث منطقة المهندسين، دخل على إثرها إلى  المستشفيات للخضوع للفحوصات الطبية اللازمة، ليكتشف أنه أصيب بقطع في أوتار القدم، وتطلب الأمر عملية جراحية على الفور وبعدها تحسنت حالته بعد رعاية طبية متكاملة.