نجلاء بدر: مشهدي الجريء في فيلم ليلة العيد مش فج.. ولازم أقدم الشخصية زي ما هي

تحدثت الفنانة نجلاء بدر عن تفاصيل دورها في فيلم ليلة العيد، وتجسيدها لشخصية أم تحمي ابنتها من الختان، وذلك خلال لقاء لها ببرنامج كلمة أخيرة مع الإعلامية لميس الحديدي، عبر شاشة تلفزيون قناة أون.

نجلاء بدر: مش بقدم مشاهد فجة في فيلم ليلة العيد

وقالت نجلاء بدر في تصريحاتها التي يرصدها موقع تحيا مصر: المشكلة أنك بتتكلمي عن القضية دي واحنا سنة 2024، كام مرة اتفتح الملف دا ومفيش حد بيرد عليكي ومفيش حد بيحلله صح، الموضوع محتاج تفسير أخر وتفسير طبي تاني خالص فلازم يتدخلوا مع بعض رجال الدين والأطباء عشان يعملوا مواجهة ونعرف أن دا مش صح، ومشهد العلاقة الزوجية مش فج.

وتابعت: ولم اتوقف عنده أو حتى هيصوروا ازاي أو حتى بعد ما اتصور مقولتش هتمنتجه ازاي لأن أنا الشخصية دلوقتي ومليش دعوة بأي حاجة زي كدا، أنا أشعر بالشخصية دي وشوفتها بعيني قبل كدا سواء في حياتي أو في حياة الآخرين، ولو مش هعبر عنها زي ما هي فعلا موجودة وبتتنفذ في المجتمع يبقى معملش الدور دا وهبقى مش جديرة بيه.

نجلاء بدر: الزواج هو أصعب قرار أخدته في حياتي

وفي وقت سابق، كشفت نجلاء بدر أن قرار الزواج هو أصعب قرار اتخذته في حياتها، وذلك خلال لقاء لها ببرنامج أسرار النجوم، مع الإعلامية إنجي علي، عبر محطة راديو نجوم إف إم.

وقالت نجلاء بدر: الجواز من أصعب القرارات اللي اخذتها في حياتي لأني مكنتش حابة اتجوز في عدم وجود أبويا وأمي، واتجوزت بعد وفاتهم بتمن سنين، وكنت بسأل هرجع لمين لو حصل مشاكل، وربنا عوضي بأخ جميل، ومكنتش أتخيل أنه هيأدي الدور، وحسيته أب حكيم.

وبسؤال نجلاء بدر عن رد فعلها إذا اكتشفت أن زوجها متحرش، قالت: هعالج جوزي لو متحرش هجلده 500 جلدة.. ولازم يتعالج لأن المتحرش مريض.

غنالي أغنيه زي النسيم مخصوص ازاي محبهوش.. تعليق مفاجئ من نجلاء بدري على قصتها مع الكينج

نجلاء بدر: كنت بحس ماما العنصر الشرير في البيت وكانت بالنسبة ليا ضرتي

قصة فيلم ليلة العيد

جدير بالذكر أن فيلم ليلة العيد الذي يعرض حاليًا في دور العرض السينمائية يناقش عدد كبير من القضايا التي تهم النساء، منها قضية الختان، العنف الأسري، التحكم في البنات، وغيرها من القضايا.