هنا الزاهد: هصور فيلم جديد مع تامر حسني وهذه حقيقة إنتاج جزء ثاني من سيب وأنا اسيب

فجرت الفنانة المصرية هنا الزاهد، عدة تصريحات إذاعية يرصدها تحيا مصر، حول حقيقة إنتاج جزء ثاني من مسلسل سيب وأنا أسيب وتعاونها الجديد مع نجم الجيل، تامر حسني.

هنا الزاهد تنفي تقديمها جزء ثاني من مسلسل سيب وأنا أسيب 

وقالت هنا الزاهد في تصريحات يرصدها تحيا مصر: 2023 كان وشها حلو عليا وعملت فيها مسلسل سيب وأنا أسيب هو كان فيه جزء تاني بس تقريبًا مش هيتعمل، وأنا حبيت المسلسل ده الناس حبت الشخصية واتعرفت على ناس خطيرة زي أحمد السعدني ودنيا وبقوا أصحابي.

وتابعت، وعملت في السينما فيلم مستر إكس وكنت مبسوطة بيه جدًا ونجح نجاح كبير جوا مصر وبرا مصر وأعلى فيلم في الخليج.

واستطردت عن كواليس مسلسل سيب وأنا أسيب: فيه مشهد إحنا كنا مش فيه لا أنا ولا السعدني واللي كان بيعمله دنيا والسيسي عن الاتفاق على اللي ناقص في الجواز، وإحنا دخلنا فيه في الآخر وكان آخر اليوم خالص وأنا كنت نايمة في المشهد وطلع بشكل طبيعي جدًا وبنقول الكلام وكان معمول حلو أوي.

وأوضحت، أحمد السعدني كنت فاكراه تنك جدًا؛ لأنه كان معايا في الجيم وكان بيسلم معايا بطريقة مش أحلى حاجة وكأني fan وأنا بسلم وهو طلع بيتكسف شوية، وبعد المسلسل اختلف خالص مفيش مقارنة هو بجد خطير.

هنا الزاهد تشارك تامر حسني في فيلم جديد

وكشفت هنا الزاهد عن استعدادها لتصوير فيلم جديد مع الفنان تامر حسني، والمقرر طرحه في عيد الأضحى المقبل، قائلة: اتبسط جدًا معاه في الشغل وأول عمل عملته معاه كان مسلسل فرق توقيت، وتاني عمل هو فيلم بحبك وهو إنسان صادق ومش أناني في شغله.

يذكر أن مسلسل سيب وأنا أسيب من بطولة هنا الزاهد وأحمد صلاح السعدني ومن تأليف رنا أبوالريش بمشاركة منة فوزي وإخراج وائل إحسان ويشارك في بطولته محمد جمعة، محمود البزاوي، عارفة عبدالرسول، أحمد سلطان، آية سماحة، ساندي، دنيا سامي، محمود السيسي، يارا جبران، كارلوس عازار، هنادي مهنا، وغيرهم.

تصريحات هنا الزاهد 

على الصعيد الآخر، قالت هنا الزاهد عن انفصالها عن أحمد فهمي: مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة.

وتابعت هنا الزاهد، ومش شايله هم أشوفه وشوفنا بعض في جوي اوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه.

كان بيحبها ومتفقين على الجواز.. سر انفصال هشام جمال عن هنا الزاهد قبل دخول ليلى حياته

هنا الزاهد عن أحمد فهمي: أي حد بيجيب سيرته بحط ايدي في عينه

وأضافت، الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب.