محمود سعد: أبويا مكنش كويس معايا وأمي عملت المستحيل عشان تسقطني

فجر الإعلامي المصري محمود سعد، عدة تصريحات يرصدها تحيا مصر عن حياته الشخصية، بالتزامن مع عيد ميلاده الـ 70، الذي صادف أمس الأحد الموافق 28 يناير، وذلك في مقطع فيديو له، عبر قناته الرسمية بموقع الفيديوهات العالمي يوتيوب.

محمود سعد يروي قصة محاولة إجهاضه

وقال محمود سعد: أمي عملت المستحيل عشان تسقطني، ودايمًا كانت تقول الواد ده نازل ضعيف عشان كدة دايمًا تعبان، كان ليا أخين قبلي ثم بنت، وأبويا كان عايز يشوف نفسه، أمي قالت له أنا حامل، ووقتها مكنش في مستشفى تروح تتخلص من الجنين، وناس قالولها نطي من على السرير، عشان تتخلص مني، لكن أبدًا تتخلص من مين أنا فضلت ماسك في الدنيا.

علاقة محمود سعد بوالده

وتابع، الحقيقة كان غير مرغوب فيا، كل العيلة كانوا كويسين جدًا معايا وبيدلعوني باستثناء أبويا، في يوم ميلادي كانت جدتي أول واحدة تتصل بيا، أهم مكالمة تحصل في عيد ميلادي، كانت بتكلمني الصبح بدري قبل ما أروح المدرسة ربنا يرحمها.

وكان قال محمود سعد عن ابتعاده عن الشاشة: أنا من أسعد الناس إني مشيت من التلفزيون والعودة اللي هيعملوها قريب.. أنا مش هرجع.. هما هياخدوا المادة بتاعة يوتيوب ويعرضوها على قناة النهار.. هيسعدني إن الناس اللي مش بتشوف يوتيوب تتفرج عليا على قناة النهار.

تصريحات محمود سعد 

وتابع، مبسمعش نفسي خالص ومبقدرش اسمع صوتي خالص، ولما حصلت كورونا معرفناش ننزل نصور باب الخلق، ومكنش عندي حاجة غير إني أحكي ولقيت استحسان عند البعض.. وبحس إن الحكايات اللي بحكيها بتمس مشاعر ناس كتير بيمروا بنفس الظرف، بيبقى فيها نوع من أنواع الطبطبة على الناس وميحسوش إنهم لوحده وإن اللي بيعمل كده يبطل.. فيها معاني كتير جدًا.

وأضاف محمود سعد، هبة شلبي بتشتغل معايا من سنة 2003 بقالها 20 سنة، فهي فاهمة الشغل كويس.. وهي اللي أصرت عليّا في موضوع اليوتيوب من حوالي 7 سنين ومسمتعش لكلامها غير من حوالي سنتين.. وفي يوم لقيت حوار ينفع ينزل على يوتيوب.. وبعدين هي اللي بقيت تعمل كل حاجة.

محمود سعد ومصطفى بكري يساندان محمد منير في جنازة شقيقته| صور

محمود سعد: اي يعني نجاة تاخد 5 مليون دولار مش كتير عليها لكن تغني بلاي باك مش من قيمتها

واختتم الإعلامي محمود سعد حديثه قائلًا: لم أحلم بمكانتي الحالية.. الحياة مشيت بيا في سكك متعرجة كتير.. خدتني في أماكن مش مخطط لها.. خطط لإثبات وجودي في مهنة اخترتها.. أنا خريج آداب تاريخ واخترت المهنة دي.. والمهمة كانت في غاية الصعوبة.