عندي القلب واتبهدلت.. القصة الكاملة لتعرض طالبة الخصوص للاعتداء من قبل 3 أشخاص

شهدت منطقة الخصوص التابعة لمحافظة القليوبية واقعة مأساوية، بتعرض طالبة للاعتداء من قبل  ثلاثة أشخاص حيث تعدوا عليها بالضرب قبل الاستيلاء على متعلقاتها الشخصية.

خروف وقلمين.. فتاة الخصوص ضحية الـ 3 ذئاب: الناس كانت بتتفرج عليا

جريمة الخصوص.. خمسيني اكتشف خيانة زوجته مع ابن شقيقه خلص عليها

وروت آلاء لموقع تحيا مصر، تفاصيل مؤثرة في واقعة التعدي علبها، حيث قالت :" أنا كنت نازلة أجيب أكل قبل رأس السنة بيومين واتفجاءت بـ ثلاث أشخاص يستقلون دراجة نارية وواحد من أحد الأشخاص حط ايده عليا وبقوله انت مجنون بعد كدة معرفش حصلي ايه لقيت ثلاث أشخاص نزلوا من الدراجة واتعدوا عليا بالضرب في جميع أنحاء الجسد شعري وضهر وبطني اتبهدلت واتكتفت من ايدي واتفتح عليا سلاح أبيض " مطوة" واتسرقت اخذو الدهب بتاعي والفون والناس كانت واقفة تتفرج عليا وبيضحكوا وبيصور ومحدش فكر يحوش عني او يعتبرني بنته".

فتاة الخصوص: الجيران كان واقفين يتفرجوا عليا

وأضافت آلاء، أنا حزينة جدا على اللي حصلي، انا كنت بموت ولما اتفتح عليا سلاح أبيض "مطوة" انا سلمت أمري لربنا وكنت بستشهد قولت خلاص هموت ومش عارفه كل ده ليه الهدف السرقة واتسرقت انا كنت بتسحل في الشارع من شعري، ووقعت على الأرض ومحدش فكر يحوش عني ولا كأني بنت قدمهم ومتكتفه بجد انا مصدومة من اللي حصل كنت ممكن اموت لأني مريضة القلب وعندي السكر، ولولا بالصدفة المحامي اللي بيخلص لوالدتي الشغل كان معدي وشاف اللي حصل حاول يخلصني من أيديهم اتعدوا عليه بالضرب وكاميرات جابت كل ده، كلم ماما وقالها انزلي بنتك ماتت في الشارع والناس كانت واقفة بتتفرج عليا وده شارع تجاري انا مش بطالب غير بحقي انا اتبهدلت واتعرضت لإهانة شديدة وعايزة حقي .

فتاة الخصوص: قالولي اتنازلي مقابل خروف

وكشفت فتاة الخصوص، انا عملت محضر ونزل معايا أمناء وشافوا الكاميرات وأهالي الشباب اتعدوا علينا بالسب والقذف وفتاة اخت المتهم بتقولي هتلاقيكي عملتي حاجة علشان كدة ضربك وعايزيني اتنازل قصاد ده خروف قولتلهم لاء وحقي فين يبقى اضرب اخوك زي ما ضربني في الشارع قالي ازاي ده تضربي اخويا في الشارع مستحيل قولتله يعني خايف على اخوك من الإهانه وانا اللي اتبهدلت وحصلي الإهانة دي عادي انا مش عايزة حاجة غير حقي، متوجه بالشكر لقسم الخصوص من الظباط والامناء على تعاونه بالإضافة إلى رئيس المباحث المقدم محمد حجاج والرائد محمد يحي والنقيب يوسف توفيق معاوني رئيس المباحث.

والدة فتاة الخصوص: مش هسيب حق بنتي

فيما شددت والدة فتاة الخصوص، أنها لن تترك حق ابنتها، قائلة :"أنا عايزة حق بنتي مش عايزة حاجة اكتر من كده، بنتي اتبهدلت واتضربت في الشارع ومحدش فكر يحوش عنها وكمان بتقول اتصلوا بماما واحد من المتهمين بيقولها هتتصلي بمامتك ايه معندكيش راجل ولا ايه بكل سخرية بنتي عندها القلب وسكر كانت ممكن تموت فيها بهدلوها جامد من ضرب وشد الشعر و اتلموا عليها بالضرب كأنها شاب قدمهم فين حق بنتي، مستدركة انا ميهمنيش سرقتهم لبنتي انا يهمني حقها وحق ضربها وبهدلتها في الشارع وكل الناس واقفة تتفرج عليها ومحدش فكر يحوش عنها وكانوا بيصوروا كأنه فيلم ولا مشهد تليفزيون حسبي الله ونعم الوكيل انا عايزة حق بنتي .

فيما أكد أحد شهود العيان، اللي حصل ميرضيش ربنا البنت اتبهدلت جامد وانا شوفت كل حاجة بس احنا منقدرش نتكلم علشان دول بلطجية بس لو بنتي انا مكنتش سكت كنت قتلتهم لاني ده عرضي واحنا صعايدة ولازم حق البنت دي يرجع علشان حرام اللي حصل فيها ده .

حيث كانت البداية عندما تلقي اللواء نبيل سليم مدير أمن القليوبية إخطارا من اللواء محمد السيد مدير مباحث الجنائية بالقليوبية يفيد بورود بلاغا من فتاة بقيام 3 أشخاص بالتعدي عليها بالضرب وسرقة بعض متعلقاتها أثناء سيرها في الشارع لشراء متطلباتها بدائرة القسم .

وكشفت التحريات بقيادة المقدم محمد حجاج رئيس مباحث قسم شرطة الخصوص تبين أن قيام 3 أشخاص حال استقلالهم بدراجة نارية وشاهدوا فتاة تسير في الشارع قاموا بمعاكستها مما أسفر عن مشاجرة بينهما واتعدوا عليها بالضرب، وعقب تقنين الإجراءات وإعداد اللازمة تمكن الرائد محمد يحي ويوسف توفيق معاوني رئيس المباحث من ضبط المتهمين وبمواجهتهما اعترافو بإرتكاب الواقعة على النحو المشار إليه.

تم تحرر محضر بالواقعة وإتخاذ الإجراءات القانونية وتولت النيابة العامة التحقيقات حول الواقعة.