عمرو عبد العزيز يتعرض لأزمة قلبية: أصعب ٤٨ ساعه عدوا عليا فى عنايه القلب

كشف الفنان عمرو عبد العزيز، عن تعرضه لأزمة قلبية خلال الساعات الماضية، أدت إلى نقله للمستشفى ومكوثه في العناية المركزة.

عمرو عبد العزيز داخل المستشفى 

ونشر عمرو عبد العزيز، صور له عبر حسابه الرسمي بموقع التواصل الاجتماعي فيسبوك، يستعرضها تحيا مصر حيث ظهر فيها على فراش المرض، وعلق عليها قائلًا: بجد أصعب 48 ساعة عدوا عليا في عناية القلب، بس الحمد لله عدت على خير وخرجت وبقيت كويس.

عمرو عبد العزيز يوجه رسالة شكر للأطباء

وأضاف، عايز أشكر دكتور أحمد مجدي، بجد تعب معايا جدًا، والدكتور طارق علوان، والدكتور محمد فريد عيسى، ده لوحده هفضل أشكره طول عمري، وفعلا مفيش أي حاجة تستاهل، واللهم لك الحمد على نعمة الصحة.

من جانبه، وجه عمرو عبد العزيز رسالة لفنانة قائلًا: نصيحة أخوية، يا حبيبة قلبي والله العظيم شغلك هو اللي بيتكلم عنك مش فستانك المفتوح لحد لوزك، للأسف أنتي فاكرة أنك كده جامدة خالص والله العظيم هما لو اتكلموا هيتكلموا عن فستانك الأوفر مش عليكي.

نصيحة عمرو عبد العزيز لفنانة

وتابع، الدليل أن أكبر نجمات مصر زي منى زكي وياسمين عبد العزيز وهبة مجدي وغيرهم كتير بيروحوا بفستانين سواريه حلوة وشيك ومقفوله عااادي جدا.

واستطرد، بس أنتي بعد  ما تقفي ع الريد كاربت وتتصورى بكذا شكل ومن كل الزوايا عشان تستعرضي الفستان العريان قوى الأوفر قوى ويصوروكي عشان يتكلموا بعد كده مش بيقولوا مين الفنانة دي..لا بيقولوا مين الرخيصة دي.

واختتم حديثه قائلًا: نصيحة أخوية، لما تروحى مهرجان وانتي مش معروفه أصلا لو اهتميتي بشغلك ربع ما بتهتمي بفستانك الأوفر صدقينى هتوصلى وهيتكلموا عنك بشياكة.

هذا وقال عمرو عبد العزيز عن فيلم تاج: مش بحب أقول رأيي في فيلم غير لما أشوفه بنفسي وأقول وجهة نظري.. امبارح اتفرجت على فيلم تاج للميجا ستار تامر حسني الفيلم في إطار فانتازيا كوميدي.. الفيلم والله عجبني وعجب الناس اللي كانوا في السنيما بصراحة أنا ضحكت واللي كانوا في السنيما كانوا بيضحكوا.. وعجبنى جدا مستوى الجرافيك اللي معمول فيه بصراحة.

عمرو الليثي يذيع اللقاء التليفزيوني الأخير لـ طارق عبد العزيز اليوم

عمرو عبد العزيز لفنانة: لو اهتميتي بشغلك ربع اهتمامك بفستانك الأوفر هتوصلي

وتابع: وفي الأخر لولا اختلاف الأذواق لبارت السلعة.. الفيلم هيعجب ناس ومش هيعجب ناس ده طبيعي جدا بس ياريت حتى الناس اللي مش عاجبها الفيلم يقولوا نقدهم بشكل محترم بدون تجريح في حد لأن في مجهود مبذول في الفيلم وناس تعبت وشقيت عشان الفيلم يخرج للنور.