أحمد داوود: رفضت مسلسل زينهم في الأول.. وكنت هبقى غبي جدًا لو معملتوش

كشف الفنان أحمد داوود عن رفضه تقديم مسلسل زينهم في البداية، وذلك خلال لقاء له ببرنامج صاحبة السعادة، الذي تقدمه الإعلامية إسعاد يونس، ويذاع عبر شاشة تلفزيون قناة دي إم سي.

تصريحات أحمد داوود عن مسلسل زينهم

وقال أحمد داوود في تصريحاته التي رصدها موقع تحيا مصر: أنا مبسوط بـ زينهم ومبسوط بالحالة اللي عملها وعمري ما كنت أتخيل ابدا، يمكن في الأول رفضت وكنت هبقى غبي جدا لو معملتوش، وكان من ضمن الأفكار اللي بتسيطر عليك اللي هو لا ماتشتغلش اوف لا دا 30 حلقة، الحاجات اللي هي دايما ملخبطانا.

وتابع: بس فجأة كدا قولت الموضوع عاجبني ويلا بينا ونشوف، وبدأ بقى سنة سنة مع أستاذ يحيى إسماعيل الموضوع يتبني ويبقى فيه بروفات وشوية وشوية ممثلين تزيد وحقيقي أنا فخور أني كنت في المسلسل مع الممثلين دول شرف ليا لأنهم كلهم موهوبين جدا جدا وطيبين جدا ودا اللي بيفرق معايا.

أحمد داوود: كنا بنشتغل في ظروف صعبة

واستكمل أحمد داوود حديثه عن مسلسل زينهم قائلاً: احنا كنا بنشتغل في ظروف صعبة وكان يهمني جدا أي حد شغال يبقى مرتاح ولا متضايق من حاجة إنتاجية، ولا على مستوى الورق عشان كدا كنت مسميه المسلسل الطيب.. وكنت هبقى أغبى واحد لو مكنتش عملت المسلسل دا لأني اكتشفت أن الوقت اللي اتعرض فيه عمل نسبة مشاهدة عالية جدا والناس كانت بتتعامل معايا على أساس أني دكتور زينهم بس، والمسلسل في الأول كان اسمه ليالي زينهم وأنا كان عاجبني الاسم، وزينهم كان اقتراح يحيى إسماعيل.

ماجدة خير الله: حجم بطن أحمد داوود لا تليق به ومش منطقية في زينهم

مسلسل زينهم الحلقة السادسة.. أحمد داوود يصارح والدته

تفاصيل مسلسل زينهم

ومن الجدير بالذكر أن مسلسل زينهم يشارك في بطولته عدد كبير من النجوم والنجمات، منهم: أحمد داوود، كريم قاسم، سلمى أبو ضيف، أحمد الرافعى، محمد أبو داود، يارا جبران، عماد رشاد، هناء الشوربجى، سلوى محمد على، انجى أبو السعود، أسامة أبو العطا، حمدى هيكل، بسمة نبيل، نورا مهدى، نسمة بهى وتأليف محمد سليمان عبد المالك وشارك في كتابة السيناريو والحوار محمد فتحى عبد المقصود، عمرو مؤمن، عمر مدحت الشحات وإخراج يحيى إسماعيل وإنتاج شركة أروما للمنتج تامر مرتضى برعاية المتحدة للخدمات الإعلامية.