أحمد الفيشاوي: الـ 10 سنين الجايين هفضل أعمل فيهم كوميدي لأن الناس تعبانة

انطلق المؤتمر الصحفي لفيلم عادل مش عادل بطولة الفنان المصري أحمد الفيشاوي، و المقرر طرحه يوم 24 من شهر يناير الجاري.

أحمد الفيشاوي في المؤتمر الصحفي لفيلم عادل مش عادل 

وقال أحمد الفيشاوي خلال المؤتمر الصحفي لفيلم عادل مش عادل الذي يرصد تفاصيله تحيا مصر: أنا بقالي سنتين مركز أني أعمل أفلام كوميدي، وإن شاء الله الـ 10 سنين الجايين هفضل أعمل فيهم كوميدي، الناس تعبانة وزهقانة فنسليهم ونضحكهم، وبحاول كل الشخصيات اللي بقدمها تبقى مختلفة ومتنوعة على قدر الإمكان.

أبطال فيلم عادل مش عادل 

ويعد فيلم عادل مش عادل، من بطولة أحمد الفيشاوى، شيرى عادل، محمود البزاوي، دينا، محمد رضوان، أوتاكا، مصطفى أبو سريع، بدرية طلبة ،أحمد بجه، نوال صاحبة اغنية مخاصماك والفيلم قصة وسيناريو وحوار أدهم سعيد وحسام كمال، وإخراج أحمد يسرى، ويجسد الفيشاوى خلال أحداث الفيلم شخصية محامى يواجه العديد من المشاكل في حياته.

وقال محمود البزاوي في تصريحاته لموقع تحيا مصر عن تعاونه مع أحمد الفيشاوي: أحمد الفيشاوي من أجمل جيل واحنا عملنا مع بعض أعمال كتير من بينهم رهبة وكنت معاه في مسلسل عامل فيه مشهد واحد بس ومن حسن حظي إنه كان قدامه وعجبني العلاقة بيني وبين الفيشاوي في الواقع، وعلاقتنا ببعض في فيلم عادل مش عادل زي القط والفار.

أحمد الفيشاوي يتألق في فيلم رهبة

هذا وحقق أحمد الفيشاوي نجاح واسع بفيلم رهبة وهو من بطولة النجوم نسرين أمين، ثراء جبيل، سما إبراهيم، الفنان السعودى محمد القس، محمود البزاوى، مصطفى غريب، عبد الرحمن ظاظا، وياسر الطوبجى وأحمد رمزى، من تأليف محمد علام وإخراج رضا عبد الرازق.

وتدور أحداث فيلم رهبة - مصنع الكراسى حول سيد رهبة الذى يعيش فى أحد الأحياء الشعبية، ويفرض سيطرته على المنطقة مستغلًا ذكاءه وشجاعته، لكن حينما يتعرض إلى حادث أليم سرعان ما تتغير أحواله تمامًا.

من جانبه، قالت ندى الكامل طليقة أحمد الفيشاوي: معنديش مشكلة اتجوز تاني وعايزة راجل يكون إنسان زكي وجميل وتعليمه جيد ومشغول دائما ودمه خفيف وحاليا مفيش أي تفكير غير في حياتي وأزاي أكون مبسوطة.

وتابعت، عن الأشياء التي لم أندم عليها قالت هي بناتي.. الصبر اللي فيا وطول البال.. وإني باردة جدًا ومش بتعصب غير كل 4 سنين مرة وإني مش بـ اهين حد حتى لو مضايقة وبسكت كتير.

بعد شائعات ارتباطهما.. دينا: أحمد الفيشاوي أصغر مني ومستحيل اتجوزه

مي سليم: أحمد الفيشاوي أخويا بس الناس افتكرت أننا اتجوزنا

وأضافت، أكتر حاجة وجعتنى في 2022 انفصالي.. ولسه ملحقتش اطلع بحاجة حلوة من 2023.