ليلى عبد اللطيف: فنان هيموت بشكل مؤسف.. وهذا موقف شيرين عبد الوهاب من العودة لطليقها حسام حبيب

كشفت ليلى عبد اللطيف، عن عدة تنبؤات وتوقعات لها بشأن نجوم الفن، وذلك خلال مداخلة مع الإعلامي المصري عمرو أديب ببرنامج الحكاية المذاع عبر قناة Mbc  مصر.

توقعات ليلى عبد اللطيف بشأن شيرين عبد الوهاب 

وقالت ليلى عبد اللطيف عن النجمة المصرية شيرين عبد الوهاب: شيرين عبد الوهاب هتسقر عاطفيًا ولو رجعت لحسام حبيب هتسيبه تاني.

ليلى عبد اللطيف تكشف عن وفاة فنان 

وتابعت ليلى عبد اللطيف في تصريحاتها التي يرصدها تحيا مصر، أحد الفنانين هيبقى في خطر كبير السنادي وهيفارق الحياة بشكل مؤسف ومحزن وطريقة غامضة، رافضة الكشف عن جنسيته.

على الصعيد الآخر، علق الشاعر بهاء الدين محمد على ندم شيرين عبد الوهاب على أغنيته، عبر حسابه الرسمي بـ فيس بوك قائلًا: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

وتابع بهاء الدين محمد: المشهد الأول، أول يوم دخلت شيرين عبد الوهاب مكتبي كانت مع الأستاذنصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء. 

بهاء الدين يرد على ندم شيرين عبد الوهاب على أغنيته

وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

واستكمل: المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

عندها جن .. بسمة وهبة تكشف مفاجأة عن ليلى عبد اللطيف بعد تحقق توقعها بطلاق ياسمين عبد العزيز

هتتجوز تاني وتخلف.. ليلى عبد اللطيف تفجر توقعات صادمة عن ياسمين عبد العزيز بعد طلاقها

واختتم: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.