لقبوها بالحصان الأسود وقالوا عنها من أجمل 100 وجه.. ياسمين صبري تتألق في أحدث ظهور

لاحظ الجمهور في الفترة الأخيرة، أن النجمة المصرية ياسمين صبري أصبحت أكثر رشاقة وتتألق باستيلات مختلفة على غير عادتها، حيث أنها كانت تقضي إجازتها في سويسرا وسط الثلوج.

الجمهور يشبه ياسمين صبري بجورجيا 

وشبه الجمهور ياسمين صبري بجورجيا زوجة كريستيانو رونالدو،  ولقبوها بجورجينا العرب والحصان الأسود، كما قالوا عنها أنها من أجمل 100 وجه في العالم، لكن ياسمين قالت أنها تشبه نفسها ولا تشبه أحد.

ياسمين صبري تكشف عن حقيقة خضوعها لعمليات تجميل

وأوضحت ياسمين صبري في تصريحات تليفزيونية يرصدها تحيا مصر، أنها خضعت لعملية تجميل واحدة ومن ثم عدلتها معقبة: التجميل بيخليني وحشة.

من جانبه، قالت ياسمين صبري خلال لقاءها مع برنامج عبر ودد: جوني ديب لذيذ أوي ومتواضع جدا، قعدت أكلمه عن المشكلة بتاعته مع أمبر هيرد وقولتله إحنا بنحبك جدا وإن الحقيقة بتوصل من القلب، ومش أنا بس لك ملايين من الناس وإنه أيقونة، قبل ما يكون ممثل كإنسان لإن الناس ساعات بتتظلم إنها مش بشر إنها الحاجة المشهورة دي بس فكنت بكلمه عليه كإنسان وأنا اللي كنت بتكلم أكتر وقولتله أنا فاهمة هو مر بإيه وكأنه كابوس وصحي منه.

تصريحات ياسمين صبري 

وتابعت ياسمين صبري، أسهل حاجة عندي الاستغناء، سلاح قوي جدًا في الحياة، الحياة مش مستاهلة ان الواحد يقطع نفسه أو يعيش نفسه في ضغط، الحياة صغيرة مهما طولت.

وأضافت ياسمين صبري، المفروض يعيش محترم نفسه وعنده راحة نفسية، مش في سبيل دور تتعب نفسك نفسيا ليه تتعامل مع ناس صعبة او شرسة أو لسانها حاد ليه متشكرين أوي اللي مكتوب لك هتشوفه سواء كده أو كده وطول ما انت بتشتري نفسك الدنيا هتشتريك أوي.

هذا وقالت لبنى عروس صديقة ياسمين صبري عبر حسابها على موقع تبادل الصور والفيديوهات القصيرة إنستجرام: أنا حاسة بغضب شديد جدًا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي أنت مين، أنت كنت فين، أنت جيبت عربية هههههه، أنت صرفت عليها جنيه أنت تعرف إيه عنها.

وتابعت: أنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي.

ماسكين ايد بعض.. كواليس لقاء ياسمين صبري بالنجم العالمي جوني ديب

إيناس الدغيدي تتصدر التريند بعد حديثها عن اعتناق زوجها الدين الإسلامي ورأيها في ياسمين صبري

واستطردت صديقة ياسمين صبري: ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل.