بنأة الأهرامات مش مصريين وغير مؤمنة بعذاب القبر.. هكذا تثير نهى العمروسي الجدل بالتزامن مع ذكرى ميلادها

يصادف اليوم الخميس الموافق 11 يناير، ذكرى ميلاد الفنانة نهى العمروسي صاحبة الستون عامًا والتي تتعرض من حين لآخر لانتقادات لازعة وهجوم واسع بسبب تصريحاتها المثيرة للجدل، حيث يرصدها تحيا مصر خلال السطور التالية.

نهى العمروسي تحدث ضجة حول هوية بنأة الأهرامات

ضجة عارمة أحدثتها نهى العمروسي حول الأهرامات، حيث كتبت: بناة الأهرامات مش المصريين القدماء، أنا عارفة إنتوا هتجزوا علي سنانكم مني بس مش مهم، أنا باحثة عن الحقيقة، والحقيقة بتقول أن أجدادنا مش هم اللي بنوا الأهرامات، والأهرامات مش مقابر أصلا، دي حكاية فوق خيالكم، بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دى ، يللا اشتموني بسرعة وطلعوني جاهلة.

وتابعت نهى العمروسي في منشور آخر، طيب ابحثوا عن الألواح السومرية و بالذات اللوح الـ 10 و11 إللي Enki كاتب فيه تفاصيل عن بناء الأهرامات، الألواح دى كانت مدفونة تحت الطين من آلاف السنين ولقوها في العراق، أظن دى آثار و علماء الآثار أثبتوا إنها أثرية مش حديثة.

وأضافت، بناة الأهرامات مش بشر أصلا، مش من الجنس البشرى، وتماثيلهم العملاقة ده طولهم الأصلي مش تضخيم ليهم.

تصريحات نهى العمروسي 

واستطردت نهى العمروسي، انا مش هجادل حد، أنا بفجر الحقيقة في زمن كاره للحق لناس خدت علي التغييب وبيعشقوا الكدابين و بيصنعوا أبطال من ورق، ناس أدمنت الخديعة وبياخدوا أي معلومة متوارثة كإنها يقين لأن كدة أريح بكتير من الثقافة والمعرفة و التعب، اشتموني علي أد ما تقدروا وجهلوني واتهموني بإن هدفي الترند لإن ده بيعكس اللي جواكم وده وعيكم، أنا إللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور توصل للحقيقة.

نهى العمروسي: ربنا عمره ما يعمل حاجة فينا ولا تخوّف ولا 

وأكدت نهى العمروسي أنها غير مؤمنة بعذاب القبر قائلة: ربنا عمره ما يعمل حاجة فينا ولا تخوّف ولا تألم، عذاب القبر! إيه فيلم الرعب ده! أنا مش في القبر ده جسمي خدته زي عربية عشان يدخل فيها روحي للحياة اللي إحنا عايشينها، لكن روحي أبدية، وهتنتقل وترجع إلى نور ربنا.

توقعات ليلى عبد اللطيف للمشاهير تثير الجدل.. حدث سعيد ينتظر فضل شاكر

شيماء سيف تثير الجدل حول طلاقها: كن رجلًا وسرحها بإحسان

وواصلت نهى العمروسي إثارتها للجدل بحديثها عن الزواج، قائلة: ملكة زماني وسوف أُتم عامي الـ60، أنا مش قطة صغيرة وأنا حياتي مليانة ومش محتاجة أتجوّز إلا لو جالي راجل على حصان أبيض بجناحات يمكن ساعتها أفكر ولكن أنا معنديش مواصفات لفتى أحلامي«

وأضافت، أنا مبحبش أبقى مذلولة ولا حد يضايقني وبحب الوحدة وبقضي وقتي مع نفسي وعندي صحابي وحياتي وحرية كاملة وربنا شفاني من مرض السوشيال ميديا وبقيت أقضي وقتي في حاجات مفيدة وأتابع حياتي فقط على عكس الناس بيكونوا باصين 24 ساعة في شاشة الموبايل.

وهاجمت الفنانة نهى العمروسي، النجم المتألق يوسف الشريف بعد تصريحات عن عدمه لمسه للفنانات خلال التصوير. 

وعن الأديان قالت: أنا جاتلي فترة وشكيت في كل الأديان، ووصلت في النهاية أن ربنا حب وجمال وخير وعدل وكل حاجة حلوة، وشوفته وحسيت بيه في كل الأديان، كل دين رايح لربنا واتجاهه رايح لربنا.