شقيق شيرين عبد الوهاب: هتقدم ببلاغ ضد واحدة مريضة بتقول أنها أختنا من الأم

أعلن محمد عبد الوهاب، شقيق الفنانة شيرين عبد الوهاب عن مقاضاة إحدى الفتيات التي ادعت بأنها شقيقتهم، مشيرا إلى أن تلك الأقاويل ليس لها أساس من الصحة وذلك من خلال منشور كتبه عبر حسابه الرسمي بموقع التواصل الاجتماعي فيسبوك.

شقيق شيرين عبد الوهاب: ناس مريضة وحقودة بتدعي إنها أختنا

وكتب شقيق شيرين عبد الوهاب رصده موقع تحيا مصر عبر موقع فيسبوك: اهو زي ما انتو شايفين كده ناس مريضة وناس حقودة وناس مقرفة وناس غلاوية و بلاوي بتتحدف علينا وناس اقسم بالله ولا لينا علاقة بيهم مستنقع قذارة وخلصنا من لوسي جابتلنا توتي وصحافة واعلام وناس ولا تعرفنا تطلع تقول علينا كلام كله افترى ما يعلم بيه إلا ربنا ودلوقتي .

وتابع حديثها، قائلا: واحدة بتقول انها أختنا من الام وبكره واحده تانية من الاب وشويه ونلاقي اخواتنا في الرضاعة كمان هههههههه ماهي هيصة بقي ومش هنخلص مش عارف اقول حسبي الله ونعم الوكيل علي مين بالظبط علي الناس دي ولا علي اللي حطنا في الليلة دي غصب عننا . سيتم تقديم بلاغ رسمي ضد المريضة دي نشوف آيه حكايتها ومين وراها.

تعليق شقيق شيرين عبد الوهاب على طلاقها

وكان قد علق شقيق شيرين عبد الوهاب على أخبار طلاقها، حيث قال: والله ولا كنت عايز أعلق على الموضوع أساسًا ولا عايز أصلًا تبقى ليَّ علاقة بأي حاجة أنا بس المعلومة عندي من يومين ومن كتر التليفونات والرسايل من الصحفيين وأنا ما ليش أي علاقة لا من قريب ولا من بعيد بموضوع حسام حبيب ولا عايز، الحقيقة بحبها أوي روحي وعمري وأختي الكبيرة وتاج راسي وخيرها عليَّ ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنى لها كل خير من كل قلبي وتاخد بالها من ولادها سندها في الدنيا ونور عينيها، بس كله من وأنا بعيد في حياتي.. وحياة أمي بحبها أوي بس والله الطاقة اللي عندي يدوب على قد شوية الأمراض اللي جات لي والحمد لله على كدا، ما ليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا.

أول تعليق من شيرين عبد الوهاب على ارتباطها بخطيب ميرهان حسين

وصلت للمحاكم.. تطورات أزمة شيرين عبد الوهاب والمنتج محمد الشاعر

شيرين عبد الوهاب وتفاصيل وقوعها في الحب

وكانت شيرين عبد الوهاب قد أثارت الجدل في الفترة الماضية بسبب انتشار أنباء تفيد بدخولها قصة حب جديدة مع خطيب الفنانة ميرهان حسين في شهور العدة، حيث كان مقبل على الزواج من ميرهان حسين ولكن وقع في حب شيرين عبد الوهاب ويستعدون للزواج قريبا، ولكن نفت المطربة الشهيرة ذلك.