كان بيهددني.. أول تعليق من طليقة صيدلي مدينة نصر بعد الحكم
ADVERTISEMENT
قالت طليقة صيدلي مدينة نصر عقب صدور الحكم عليه الحمد لله على الحكم وربنا مش بيرضى بالظلم، أنا سامحته كتير قبل كدة ومقولتش لأسرته لكن أنا تعبت من الحياة معاه وكل الكدب اللي أخواته بيقولوه حسبي الله ونعم الوكيل فيهم.
طليقة صيدلي مدينة نصر: الحمد لله
وشرحت طليقة صيدلي مدينة نصر لـ موقع تحيا مصر، «الحمد لله على الحكم، وهو اتبرأ من بنته بس بنته دي ليها قصة تانية أن شاء الله، وربنا مش بيرضى بالظلم خالص، وعمره ما كان هيفضل يظلمنا للنهاية، وكان في صعوبات بشوفها من أول ما أكتشفت اللي حصل، وساعتها كان ابني في 3 ثانوي، وواجهته وسبت البيت ومشيت، وروحت رفعت قضية طلاق للضرر».
طليقة صيدلي مدينة نصر: خبيت على ابني
وتابعت طليقة صيدلي مدينة نصر «أنا سألت في دار الإفتاء وقالولي أحنا عارفين أنه غلط ولازم تبلغي وتخلي مسئوليتك قالولي استنى لما ابنك يخلص امتحانات لأنه في مرحلة صعبة، وروحي بلغي، وانا عندي ولد وبنت خبيت على ابني عشان كان في 3 ثانوي، ولما رفعت قضية الأسرة طلبت من القاضي أن الجلسات تكون سرية عشان مايتسربش خبر، لحد ما ابني خلص وقعدت معاه وقولت له».
السيدة: قالي كل حاجة باسمك وهتروحي في داهية
وأكملت طليقة صيدلي مدينة نصر «مكنش سهل لكن أنا روحت عملت المحضر لأنه كان فاكر أني هستسلم لتهديده لما قالي الصيدليات باسمك والكاميرات بتاعتك وكل حاجة باسمك وأنتي اللي هتروحي في داهية، وروحت وعملت محضر فيه، ومحصلش أني قعدت معاهم ولا ساومتهم على فلوس، وكل اللي أخواته قالوه كذب وافتراء، وكل اللي شوفته أنا وولادي هيشوفوه، وكنت واثقة أن ربنا هيبين غشه وخداعه».
وأختتمت طليقة صيدلي مدينة نصر «أنسان خاين كان مركب كاميرات في كل حتة في البيت ما عدا غرف النوم، وحاطط شاشة في المكتب فيها الـ 7 كاميرات وبيتفرج علينا، لأنه خاين فـ بيخون أي حد، كان بيقولنا خايفين من أيه من الكاميرات، في بنت كانت بتشتغل معانا دلوقتي متجوزة وعندها 3 عيال وقالت مش مصدقة أن حقي هيرجع بعد 15 سنة، دي كانت أول حاجة أنا عدتها وسامحته وقولت أنا زوجة صالحة وهستر عليه لكن هو مقدرش».
جوجل نيوز
تطبيق نبض
