فيلم ليلة العيد بطولة يسرا يناقش قضية ختان الإناث.. لقطات من البرومو

طرح المنتج المصري أحمد السبكي، البرومو الرسمي لفيلم ليلة العيد بطولة النجمة الكبيرة يسرا، والمقرر عرضه يوم 25 يناير الجاري حيث أنه يناقش قضية ختان الإناث. 

برومو فيلم ليلة العيد 

ونشر أحمد السبكي برومو فيلم ليلة العيد الذي يرصد تفاصيله تحيا مصر عبر حسابه الرسمي على موقع تبادل الصور والفيديوهات القصيرة إنستجرام، وعلق عليه قائلًا: الإعلان الرسمي لـ فيلم ليلة العيد، 25 يناير في جميع السينمات، تأليف أحمد عبد الله، إخراج سامح عبد العزيز.

قصة فيلم ليلة العيد 

وتدور أحداث فيلم ليلة العيد في إطار درامي، يتناول العمل قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن.

أبطال فيلم ليلة العيد 

وفيلم ليلة العيد من بطولة يسرا، غادة عادل، ريهام عبد الغفور، عبير صبري، نجلاء بدر، هنادي مهنا وعدد آخر من النجوم المصريين.

من جانبه، قالت يسرا بطلة فيلم ليلة العيد: الناس بتحكم على الفنان 24 ساعة وبيطلعونا شياطين على السوشيال ميديا ويصححوا أفعالنا، والجمهور بيغزو حياتنا لدرجة إني بتعب ومبقدرش أبتسم أحيانًا؛ لأننا عندنا ضغوطات ومش سعداء دايمًا، وقبل السوشيال ميديا مكنش حد بينتقد فنانة عشان لبست بيكيني وكان عندنا حرية وخصوصية.

وتابعت، إحنا كنا أسعد وعندنا حرية ووقت خاص لينا ومحدش بيقتحم خصوصيتنا قبل ظهور السوشيال ميديا، ومكنش حد بيحكم علينا وبقينا نتعرض لانتقاد أكتر حاليًا، عكس من 40 سنة وبدأت أعاني من السوشيال ميديا، لدرجة الناس بيصورونا وإحنا بناكل وينشروها على السوشيال ميديا، ليه بتصورونا وإحنا بناكل؟ سيبونا في حالنا ليه بتقتحم خصوصيتي كدا؟

وأضافت، فيه اللي بيقتص الكلام وياخد كلمتين ملهمش علاقة باللي بقوله وينشرهم، ودا ميصحش على الأقل بالنسبة لآداب السلوك والأخلاقيات ودي ملهاش علاقة الشخص متعلم ولا لا، ولكنها الطبيعة الإنسانية، مثلا لو لقيت شخص أكبر مني سنًا ومش لاقي مكان يقعد هقف له لأني اتعلمت دا في المدرسة.

يعرض قريباً.. تفاصيل مسلسل روز وليلى يسرا مع نيلي كريم

بطولة يسرا.. موعد طرح فيلم ليلة العيد في السينمات

واستكملت يسرا حديثها، قائلة: في النهاية أنا اخترت الشهرة ولازم أتحمل عيوبها ومينفعش ألوم حد؛ لأني بحب اللي بعمله وبحترمه وأنا مدينة للناس اللي بيحبوني ولكن بقول لهم سيبولي وقت عشان أقدر أكمل والمفروض يكون فيه تقدير للخصوصية أكتر زي ما أنا بقدر حبهم.

وعن تفاصيل مشهد الإعدام في فيلمها امرأة آيلة للسقوط، قالت يسرا: أنا فاكرة أن مدحت السباعي قالي أنا هبنيلك أوضة الإعدام قولتله لا أنا هروح وهقف على طبلية الإعدام راح قالي أنتي مجنونة مش هتستحملي قولتله لا لازم أروح.

وتابعت، روحت وشميت ريحة الموت، رغم إني ما كنتش شايفة حاجة، ووقفت مع عشماوي بس قلت له أوعى تشد الإيد بالغلط، ورجعت البيت متقطعة لأنهم بيربطوك بأحزمة وأنا اتسحلت في الأرض بجد مش تمثيل لأن رجلي ما شالتنيش، ولما وقفت على طبلية الإعدام ما حسيتش بالدنيا.