منى الشاذلي تتصدر التريند بعد قصة تعارفها على زوجها.. تعرف عليها

حلت الإعلامية المصرية منى الشاذلي ضيفة برنامج  ABtalks الذي يقدمه الإعلامي الإماراتي أنس بوخش، وكشفت عن قصة تعارفها بزوجها.

وقالت منى الشاذلي في تصريحاتها التي يرصدها تحيا مصر: لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة.

منى الشاذلي تتحدث عن زوجها 

وتابعت، أنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مش رومانسي.. هو حنون ورجل عائلة عظيم، لكنه راجل عملي، ومش بنزعل من الاختلاف بينا.

تصريحات منى الشاذلي 

وأضافت، الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير.

منى الشاذلي مع أنس بوخش

واستكملت منى الشاذلي حديثها قائلة: العاطفة دون عقل رشيد لا تصبح عاطفة تصبح عبثا.. وأنا في العموم إنسانة وديعة وقوية من جوا، وبشوف أقوى الناس هما الهاديين مش بالحنجرة والصوت العالي.. وبعمل حذف لأي ذكرى مؤذية وجدانية بالنسبة لي.

وعن أمنيتها في الصغر، أوضحت: كان نفسي أبقى دكتورة أو مدرسة عشان أساعد الناس.. ولما دخلت الجامعة الأمريكية لقيت الأقرب ليا هو الإعلام.

اقرأ أيضًا.. 

سبوع ابنة حمو بيكا كلمة السر.. هل تعود ريم طارق لـ حسن شاكوش؟ 

بعد إثارتها للجدل بسبب أغنيتها الجديدة.. ما لا تعرفه عن المتألقة روبي 

واختتمت منى الشاذلي حديثها قائلة: أبويا شيء جميل وعمره ما تفاخر بحاجات كتير مهمة عملها، واتعلمت منه الأخلاق، ودايمًا بتأثر لما بفتكره، لأنه قمة الثقافة والأخلاق والمعرفة وقمة البساطة، واتعلمت منه أنه لا شيء في الدنيا يستدعي التفاخر.

جدير بالذكر، أن الإعلامية المصرية منى الشاذلي استطاعت أن تصنع شعبية جارفة وتحقق نجاح واسع بعملها في مجال الإعلام حيث تقدم حاليًا برنامج معكم منى الشاذلي على قناة اون الفضائية.