في ذكرى وفاته.. تفاصيل أول أزمة قلبية تعرض لها وحيد حامد بعد تلقيه تهديدات بالقتل

تحل اليوم الثلاثاء الموافق 2 يناير، ذكرى رحيل الكاتب الكبير وحيد حامد الذي فارقنا عن عمر يناهز الـ 76 عام إثر أزمة قلبية حيث تدهورت حالته الصحية ونُقل لإحدى المستشفيات.

ذكرى رحيل وحيد حامد 

وبالتزامن مع ذكرى رحيل وحيد حامد، يرصد تحيا مصر تفاصيل أول أزمة قلبية تعرض لها حيث كشف نجله المخرج مروان حامد، أن أول أزمة قلبية تعرض لها وحيد كانت أثناء عرض مسلسل أوان الورد بطولة يسرا، وذلك بعد تلقيه تهديدات بالقتل، بسبب أن العمل كان يناقش العلاقة بشكل مختلف بين المسلمين والمسيحيين.

تعرض وحيد حامد للتهديد بالقتل

وأشار مروان حامد إلى أنها لم تكن المرة الأولى التي يتلقى فيها والده تهديدات بالقتل، حيث تعرض لذلك أكثر من مرة، بسبب أعماله والتي تناول فيها قضايا الإرهاب وما تفعله الجماعات الإرهابية.

وكان آخر ظهور للكاتب وحيد حامد في مهرجان القاهرة السينمائي، الذي قال فيه: عاوز أقول حاجة مهمة فى ليلة الافتتاح مفروض محضر كلمة عشان أقولها لقيت الأضواء والناس ارتبكت وطلعت الكلمة من قلبى زى ما طلعت وفى المشوار الطويل بتاعى اشتغلت مع نجوم كبار زى عادل إمام نور الشريف أحمد زكى وفاروق الفيشاوى، كما أشكر ليلى علوى لموافقتها على دورها  فى مسلسل العائلة  عندها الجرأة أنها تعمل الدور وفنانات كتير رفضته.

وتابع، سوق المتعة يشكل عندى أهم الافلام وحيد حامد هو اللى عاش فى زمنكم وأنا شاب باخد من الناس وبدى للناس فى صياغة جميلة و بتطور جملة الحوار ولما اكتب كوميدى أو تراجيدى لم أفتعل.

وأضاف، لما بحس فى تقدم العمر و خايف من الجمود بشتغل مع مخرجين شباب عشان أجدد فكرى و منهم مروان عشان ميزعلش، ولما اشتغلت فى التلفزيون مع إسماعيل عبد الحافظ و محمد ياسين استفدت بالخبرة و الرؤية الجديدة بجددها عندى طوال السنين اللى فاتت.

وأردف، الحمد الله أنا مكنش عندى حسابات، ومعملتش حساب لحد أنا كل قرش دخل بيتى وجيبى من قلمى، ولم أكسب أى شئ إلا بجهد حقيقى.

تصريحات وحيد حامد 

واستطرد وحيد حامد، زمان المجتمع كان فيه حب مش ضغينة والكبير بيشيل الصغير، أنا كنت بشوف الفرحة فى قلوب الناس مش زى الزمن ده، وزمان وأنا صغير أتعلمت من محمد عثمان الكاتب الكبير كان بيحتوينى واحترمت كل إيد طيبة أتمدت ليا، ولم أخذل أى إيد واتعلمت التواضع من الكبار جدا اللى شوفتهم، اتعاملت مع نجيب محفوظ، ومعرفش الأيام دى شكلها إيه.

واستكمل، مروان لو له إخوات فى المهنة هيبقى له إخوات كتير وسعيد جدا إن ليا ناس أتعلموا منى حاجة وبقوا كتاب كبار فى الزمن بتاعنا ده، وأنا عايش جوة الناس، ومهتم بالشأن العام، وعيشت عمرى كله للناس.

اقرأ أيضًا..

تركي آل شيخ يمنح المايسترو هاني فرحات الجنسية السعودية.. وعمرو أديب يهنئه 

بإطلالة حمراء نارية.. مي عمر تحتفل برأس السنة 2024 

واختتم وحيد حامد حديثه قائلًا: أدتونى عمر جديد واستمرارية، وحب ودعم من اللى أنا شايفه، وأنا كنت شديد الإخلاص للكلمة اللى بكتبها، ومفيش كلمة كتبتها إلا وأنا حاطت فى ذهنى الناس اللى عايش وسطهم وده أترد ليا فى الآخر.