خاص| محمود البزاوي: أحمد الفيشاوي مختلف ومتجدد وعلاقتنا عاملة زي القط والفار

تحدث الفنان محمود البزاوي عن تفاصيل تعاونه مع الفنان أحمد الفيشاوي في فيلم عادل مش عادل، والمقرر طرحه في السينمات المصرية بداية من يوم 4 من شهر يناير الجاري وفي دور العرض العربية في 11 من نفس الشهر.

محمود البزاوي يشيد بـ أحمد الفيشاوي

وقال محمود البزاوي في تصريح خاص لـ موقع تحيا مصر: أحمد الفيشاوي من أجمل جيل واحنا عملنا مع بعض أعمال كتير من بينهم رهبة وكنت معاه في مسلسل عامل فيه مشهد واحد بس ومن حسن حظي إنه كان قدامه وعجبني العلاقة بيني وبين الفيشاوي في الواقع، وعلاقتنا ببعض في فيلم عادل مش عادل زي القط والفار.

وأكد: أحمد الفيشاوي مختلف بين ساعة للتانية ولحظة للحظة ومن فيلم لفيلم، هو متجدد وفنان شاطر.

محمود البزاوي يكشف تفاصيل دوره في عادل مش عادل

وتابع حديثه، كاشفا عن تفاصيل دوره في فيلم عادل مش عادل: بجسد دور شخص خايب في كلية حقوق من 30 أو 40 سنة متخرجش مع إنه بيحب القانون لكن من وجهة نظره، وبيدور بيني وبين أحمد الفيشاوي مواقف وصراعات عاملين زي القط والفار.

وعن الكواليس، قال محمود البزاوي: كنا بنجيب رنجة وناكل أيام التصوير كانت كلها لطيفة.

محمود البزاوي: أي دور بيجيلي بعمله كأني أول مرة أمثل

وأكد محمود البزاوي أنه يدخل أي عمل فني جديد كأنه يمثل لـ أول مرة، موضحا: الجمهور هو اللي بيحكم على الأدوار اللي بعملها وبيقول رأيه فيها، لكن أنا بعمل اي دور زي أول دور عملته في حياتي وبكون خايف ومخضوض ومفيش حاجة اسمها نضجت دلوقتي ولا لا، وبيستهويني الشخصية مليش علاقة اذ كان الفيلم كوميدي ولا تراجيدي أو غيرها، ومفيش ممثل المفروض يفكر كدة.

واختتم محمود البزاوي حديثه، كاشفا عن سبب توقفه عن الكتابة، فقال: كنت بكتب عشان مبمثلش لكن ربنا كرم في حكاية التمثيل شوية، والكتابة مرهقة بشكل مزعج وبكتب أفكار بسيطة.

محمود البزاوي عن قصف غزة: دي إبادة جماعية بيعملها الكيان والغرب ساكت

ترقبا لعرضه في يناير.. طرح الإعلان التشويقي لـ فيلم عادل مش عادل بطولة أحمد الفيشاوي

ويذكر، أنه من المقرر ان يعرض فيلم عادل مش عادل لـ محمود البزاوي وأحمد الفيشاوي ودينا، وشري عادل، ونوال عبد الشافي صاحبة أغنية مخصماك، في يوم 4 من شهر يناير المنقضي، ومن المتوقع أن يحقق العمل نجاحات كبيرة في فترة عرضه.