في أولى حفلاتها بعد الطلاق.. شيرين عبد الوهاب تتألق بالأزرق بدبي

أشعلت الفنانة المصرية شيرين عبد الوهاب حفلها الغنائي في دبي، والذي تحييه تزامنًا مع احتفال الجمهور بليلة رأس السنة اليوم الأحد الموافق 31 ديسمبر، حيث يعد هذا أول ظهور لها بعد طلاقها من المطرب حسام حبيب.

شيرين عبد الوهاب تتألق في أولى حفلاتها بعد الطلاق

ورصد تحيا مصر إطلالة الفنانة شيرين عبد الوهاب خلال حفلها الغنائي في دبي،  حيث ظهرت بفستان ازرق صك لامع ومحتشم، وظهر عليها فقدان وزن ملحوظ، وخطف جمالها وبهجتها أنظار الحاضرين للحفل.

طلاق شيرين عبد الوهاب من حسام حبيب

وكانت شيرين عبد الوهاب قد انفصلت عن حسام حبيب في الاسبوع الماضي وذلك بشكل رسمي بعد حدوث عدد من الخلافات الكبيرة والمشاكل بينهم.

هذا و أثارت شيرين عبد الوهاب جدل واسع بكشفها عن ندمها لتقديم أغنية ما تجرحنيش، فرد عليها الشاعر بهاء الدين قائلًا: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

أزمة شيرين عبد الوهاب بسبب أغنية ما تجرحنيش 

وتابع، المشهد الأول، أول يوم دخلت شيرين عبد الوهاب مكتبي كانت مع الأستاذنصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء. 

اقرأ أيضًا.. 

في ذكرى ميلاده.. سبب مفاجئ حول انفصال أشرف زكي عن روجينا في بداية زواجهما 

إيناس الدغيدي.. نمبر وان في التصريحات الجريئة

وأضاف، والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

واستكمل، المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

وأردف، وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.