محمد فؤاد ووفاء عامر.. نجوم أعلنوا تأييدهم لمنهج ياسمين عز في العلاقات الزوجية

عادت الإعلامية ياسمين عز لإثارة الجدل مرة أخرى على شاشة التليفيزيون وذلك من خلال برنامجها الشهير كلام الناس والمذاع على شاشة قنوات MBC مصر، ورغم أن الكثير من الجمهور لا يحبذ تصريحاتها وأرائها، إلا أن بعض النجوم أعلنوا بشكل مباشر تأييدهم الكامل لـ منهج ياسمين عز في العلاقات الزوجية، وفي ذلك الإطار يرصد موقع تحيا مصر أبرز هؤلاء النجوم.

وفاء عامر عن ياسمين عز: بتعمر بيوت

رغم شخصيتها القوية في أعمالها الفنية، إلا أن وفاء عامر تعد من السيدات المطيعة لزوجها بشكل كبير، ودائما ما ترى العيب فيها إذا حدث خلاف بينه وبينها، حيث كانت المفاجأة عندما خرجت ودافعت عن أراء ياسمين عز في العلاقات الزوجية، قائلة: ياسمين عز مش ضد المرأة، ولكنها مع العمار، ومع بناء البيوت ومع الست طويلة البال، ومع الست اللي تربينا وطلعنا لقينها، الست خلقت من ضلع الرجل اللي هو قريب من القلب، وكان ربنا  يقدر يخلق الست من رجل الراجل علشان يدوس عليها.

وتابعت: ياسمين عز مع الست اللي لما تحترم الراجل هيحترمها، لما يكون لها ملك يستحق تكون له ملكة، لما يكون لها أمير يستحق تكون له أميرة، هي مش قاصدة إهانة للمرأة، ياسمين عز ضد إنه يكون فيه طلاق وتفسخ مجتمعي وعش مهجور وبيوت مهدومة.

حاتم فهمي عن ياسمين عز: بتدعمنا معنويا

وخرج الفنان حاتم فهمي أيضا لـ يداقع عن ياسمين عز، حيث قال عنها: دي شخصية ناجحة جدًا، مش عارف أنتوا زعلانين من ياسمين عز ليه؟ دي بتقول كلام زي الفل وبتدعمنا معنويًا، الراجل عايز الكلام اللي هي بتقوله ده ومحتاج طبطبة والست بتاعته تقدره.

طليق منة عرفة عن ياسمين عز: منصفة الرجال

وقال الفنان الشاب محمود المهدي، طليف منة عرفة عن ياسمين عز: حامية البيوت ومنصفة الرجالة، أنا مش مع كل كلامها بس وحتي لو عايزة عريس ولو عايزة تركب الترند علي الأقل في كلام بتقولة يعمر البيوت مش يقلب كيان البيت ويحرض الزوجة علي عيشتها.

محمد فؤاد عن ياسمين عز: أنا من مؤيدينك وشكرا إنك بتنصرينا

انتي نجمة كبيرة وعاملة حالة جامدة.. مفيش حد بينجح بالهوا لازم يكون ليه منتقدين في الأول شكرا إنك نصرانا بس نفسي المواسم الجاية تتكلمي عن حقوق المرأة بردو عشان الناس متفتكرش إنك في اتجاه واحد، أنا عارف إنك قاصدك تعمري بيوت وجاية من بيت متربي.

وتابع حديثه قائلا: عارف إنك بتتكلمي عن الرجالة اللي بتشيل زواجتهم وبتقدرهم وعارفة قيمتهم مش الجزء التاني اللي شايف إن المرأة ضعيفة أنا من مؤيدينك وبقولك استمري احنا معجبين بيكي.

محمد فؤاد لـ ياسمين عز: أنا بأيدك وشكرا إنك نصرانا.. والست اليابانية بتشيل جزمة جوزها من على الباب

صدمت ياسمين عز.. سهير البابلي للنساء في تصريحات سابقة: نكدي على جوزك واحدفيه بالطوب